ISAIAH 9:18 - Lai (Hakha) Common Language Bible 2006

¹⁸ Hi mi hna ṭhat lonak cu hlingbur le rambur a khangtu mei bantukin a alh. A khu a dir in a dirmi mei, tupi a khangtu mei bantuk a si.

ISAIAH 9:18 ပူးပေါင်းရင်းမြစ်များ

1 SIANGPAHRANG 16:21

Cun Israel mi cu cheu hnih ah an i cheu; mi hnarcheu nih Ginath fapa Tibni cu amah kha siangpahrang i ser awkah an zulh i hnarcheu nih Omri kha an zulh.

SALM 37:20

Sihmanhsehlaw miṭhalo cu an thi lai; Bawipa ral cu ramlak pangpar bantuk in an lo lai; meikhu bantukin an ṭian lai.

SALM 68:2

Meikhu kha thli nih a choih bantukin a choih dih hna lai, khuailul kha mei nih a emh tikah a tit bantukin miṭhalo cu Pathian hmaika ah an rawk lai.

SALM 83:14

Mei nih tupi kha a kangh i meizik nih tlang cu a hliau bantukin

ISAIAH 1:31

Thing ro cu meici nih a alhter bantukin miṭhawng hna cu amah tuahmi lila nih a hrawh hna lai i cu bantukin an rawhnak cu ahohmanh nih an kham kho lai lo.

ISAIAH 1:7

Nan ram cu a rawk dih i nan khua cu an kang dih. Nanmah mit hmuh hrimhrim ah ramdangmi nih khan nan ram cu an lak i an hrawh dih.

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

ISAIAH 27:4

Ka mitsur dum cungah ka thin a hung ti lo. Sam len awk hling le so um hna seh law ka duh hnga. Um hna seh law a khangh in ka khangh dih hna hnga.

ISAIAH 3:5

Pakhat le pakhat an i rial lai. Mino nih upa kha an hmaizah hna lai lo i zeiruaramlo pawl nih khan an cung mi kha zeihmanh ah an rel hna lai lo.

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 33:12

Thung ser awkah an khanghmi lung bantukin nan mot lai i vutcam ah cang lakin a kangmi hlingbur bantukin nan lo lai.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ISAIAH 5:24

Cucaah cun facangzi le ramro cu an ker i an kangh bantukin, Israel Pathian a thiangmi Ralkapbu Bawipa nih a kan cawnpiakmi kha nan ngaih duh lo caah nan hram cu a thu lai i nan par cu a ro lai.

ISAIAH 50:11

Midang hrawhnak khua a khang lengmangmi hna, nan dihlak in nanmah khuakhanmi lila nih an hrawh hna lai. Cucu Bawipa hrimhrim nih nan cungah a tlunter lai i temhnak cu nan in lai.

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

HOSEA 13:3

Cucaah cu mi hna cu zinglei minmei bantukin an ṭian lai i, A lo zaumi dap bantukin an lo lai. Annih cu phuhri in thli nih a choihmi capawl bantuk an si lai i, Meikhu chuahnak in a chuakmi meikhu bantuk an si lai.

JOEL 2:20

Chaklei in a rami ṭihnung cu nan sinin lam hlapi ah ka ṭhial lai i a ro i a carmi ram ah ka dawi lai, An hmaisuang pawl cu Rili Thi ah ka thlak hna lai i an hnudawn pawl cu Mediterranean Rili ah ka paih hna lai, Cun an ruak cu a thu lai. Hi thil hi zeicahdah ka tuah ti ahcun, nanmah cung i an tuahmi ruangah khan a si.

JOEL 2:3

An hmaisuang pawl cu mei alh bantuk an si i an hnudawn pawl cu meizik bantuk an si; An hmaiah cun ram cu Eden dum bantuk a si, An hnu tu ah cun zeihmanh a um lomi thetse ram bantuk a si; Zeihmanh nih a celh hna lo.

AMOS 7:4

Bawipa Pathian nih a ka hmuhsak ṭhanmi cu mah hihi a si: Bawipa Pathian nih a thukmi rili le sermi thil vialte kha khangh dih awkah mei kha a auh.

OBADIAH 1:18

Khi tikah Jakob innchungkhar hna cu mei an si lai i Josef chungkhar hna cu meizik an si lai; Esau chungkhar tu cu favai an si lai; Esau mi hna cu mei nih facang hmui a kangh bangin an kangh hna lai i Esau tefa cu a nungmi an um lai lo,” tiah Bawipa nih a ti.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

HEBRU 6:8

Sihmanhsehlaw cu vawlei nih cun hling le belh lawng kha a khohter hna ahcun zeihmanh santlaihnak a ngei lo; Pathian nih chiat a serh men lai i mei nih a kangh men lai.

BIAPHUAN 14:11

A hremtu hna mei a khu cu zungzal in a kai zungzal ko. Sahrang le a milem a biami le sahrang hmelchunhnak a ngeimi hna caah cun, chun zongah zan zongah lungdaih hnangamnak zeihmanh a um ti lo.