ISAIAH 9:16 - Lai (Hakha) Common Language Bible 2006

¹⁶ Hi mi hna hi a hruaitu hna nih a ping ah an hruai hna i zeiti um awk hngal loin an tuah hna.

ISAIAH 9:16 ပူးပေါင်းရင်းမြစ်များ

2 CHANRELNAK 30:27

Cun tlangbawi hna le Levi mi hna kha an dir i mi kha bongmal an sawmh hna i an aw cu theih a si i an thlacamnak cu vancung i a umnak hmunthiang kha a phan.

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 19:14

Lungthin an cheuh hna tikah an lung a tuaitam chin tu dingin Bawipa nih lungthin a cheutu cu a umter hna. Cucaah cun Izipt cu a tuahmi paoh ah khan a palh lengmang i amah luak lila i a nalmi zuri bantukin a sawn lengmang.

ISAIAH 3:12

Tangka cawihtu pawl nih ka mi kha an hrem hna i thil cawihtu pawl nih an hlen hna. Ka mi hna, nan hruaitu pawl nih a pingah an in kalpi hna caah khuazei lei kal awk nan hngal lo.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

JEREMIAH 18:21

Cucaah an fale hna cu mangṭam tonter hna, Vainam sinah khan kaltak men ko hna. An nupile hna cu fa ngei lo le nuhmei siter ko hna, an pale hna cu thihnak nih kalpi ko hna seh, An tlangval hna cu raltuknak hmun ah vainam in thi hna seh.

JEREMIAH 23:13

Samaria profet hna cu ruahnak zeihmanh a ngei lomi an si kha ka hmuh: Baal min in bia an chim i ka mi Israel mi kha a pingah an hruai hna.

JEREMIAH 9:4

Ahohmanh nan innpa kha i ralring cio hna u, nan unau kha zum hna hlah u; Zeicahtiah unau nih unau kha hlen a si i hawikom nih hawikom kha congoih a si.

AMOS 2:4

Hihi Bawipa bia an si: Judah nih ṭhat lonak kha pakhat hnu pakhat in a tuah lengmang caah A cung i ka tlunter ding dantatnak kha ka let lai lo. Annih nih Bawipa phunglam kha zei ah an rel lo i A nawlbia kha an zul lo; An pupa hna nih an rak zulhmi pathian deu hna nih khan a pingah an hruai hna.

MIKAH 3:5

Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a ṭhihtu hna profet hna nih an hlen cang hna. Hi profet hna kongah Bawipa nih a chimmi bia cu hihi a si:

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

HEBRU 7:7

Thluachuah petu cu thluachuah pekmi nakin a ngan deuh ti cu a fiangmi a si.