ISAIAH 8:8 - Lai (Hakha) Common Language Bible 2006

⁸ Judah ram chungah khan tilian bantukin a vung luang lai; cun a liam in a liam lai i hngawng tiang a phan lai; cun aa samhmi a thla nih khan na ram cu a bitkauhnak in a huh dih lai, maw Immanuel,” a ti. Pathian cu kan sinah a um ko! Aa samhmi a thla in ram cu a huhphenh.

ISAIAH 8:8 ပူးပေါင်းရင်းမြစ်များ

2 SIANGPAHRANG 17:3

Amah cu Assiria siangpahrang Shalmaneser nih a doh; cun Hoshea kha a tangum ah a cang i ngunkhuai a pek.

2 CHANRELNAK 12:4

Cun Judah ram chung i kulhnak a ngeimi khua kha a lak hna i Jerusalem tiang a ra.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 30:28

Zeizong vialte a fenh dihtu ti lian bantukin thlitu kha a hmaiah a kalter. Miphun tampi kha a hrawh hna i a ṭha lomi an khuakhannak kha pakpalawng ah a canter.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

ISAIAH 7:17

“Israel pennak le Judah pennak an i ṭhennak in atu tiangah harnak a tlungmi vialte hna nakin a har deuhmi harnak cu nangmah le na mi hna le siangpahrang innchungkhar dihlak cungah Bawipa nih a tlunter lai — cu a tlunter dingmi cu Assiria siangpahrang kha a si!

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

JEREMIAH 47:2

Bawipa nih hi bangin a ti: Zohhmanh chaklei in ti a rung lian lai i a kawr khat in a liam dih lai, Ram le a chung i a ummi thil vialte kha a phum dih hna lai. Khuapi i hna le a chung i a ummi minung hna zong. Mi cu an ai an kiao lai i cu ram i a ummi vialte hna cu an ṭap dih lai.

JEREMIAH 48:40

Bawipa nih hi bangin a ti: Zohhmanh, muvanlai nih a thla aa samh i a vun zuanhnawh bantuk khin, Moab cu miphun pakhat nih a zuanhnawh lai.

JEREMIAH 51:42

Rili nih Babilon cu a phum cang, A awn hluahmahmi tilet hna nih cun an khuh cang.

EZEKIEL 17:3

Hihi Bawipa Pathian bia cu a si: “Mupi nganpi, pakhat a hmul aa dawh ngaingai i, thla ngan pipi a ngei i a thla kaupi in a samhmi a rak um. Lebanon tlang ah khan a va zuang i Sidar kung a hluai kha a khiah i

EZEKIEL 26:19

Zeicahtiah hihi Bawipa Pathian bia cu a si: Nangmah cu a rawkmi khua, ahohmanh an um khawh lonak khua ah kan ser i na cungah rilipi kha ka tlunter i ti nih an khuh dih tikah,

DANIEL 11:10

A fapale nih khan Siria siangpahrang cu ralkapbu nganpi kan pumh hna lai, tiah an hnek lai. An lak i pakhat cu dawnh khawh lomi tilian bantukin a lan thluahmah ko lai i an ral hna ralhruang a phanh tiang a nam chih lengmang ko hna lai.

MIKAH 1:9

Samaria cu a hma kha a dam kho ti lo; Judah zong cu bantuk hma cu a ing ve lai; Rawhralnak cu ka mi an umnak Jerusalem khua kutka kha a phan cang.

MIKAH 5:5

Amah cu daihnak mi a si lai. Assiria mi cu kan ram chung i an rung luh tikah le Kan ralhau hna kha an baoh khawh hna tikah, Anmah dohtu dingah kan hruaitu a ṭhawng bikbik kha kan thlah hna lai.