ISAIAH 7:19 - Lai (Hakha) Common Language Bible 2006

¹⁹ A thukmi horkuang chung le lungpang chung lungkua vialte kha a khah in an khat lai i hlingbur vialte le saṭil tlonnak ram vialte ram kha a zual in an zual hna lai.

ISAIAH 7:19 ပူးပေါင်းရင်းမြစ်များ

2 CHANRELNAK 33:11

Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 2:21

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah mi cu lungpang tamnak tlang lungkua hna le khor chungah khan an i thup lai.

ISAIAH 5:6

Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.

ISAIAH 55:13

Atu i hlingbur an umnak hmun ah hin saipres thing an kho lai i hling lakah hin martal thing rimhmui an um lai. Hi hmelchunhnak hi zungzal in a hmunmi hmelchunhnak a si lai i Bawipa nih ka tuahmi an hngalhter ṭhantu hna a si lai,” a ti.

ISAIAH 7:24

Khika ah li le thal aa put lomi cu ahohmanh an kal ngam lai lo. Asi, ram hi a pumpi in hlingbur le hling le so lawnglawng a khat dih lai.

ISAIAH 7:25

Rawl an rak cinnak tlang vialte kha hling nih a khuh dih hna lai caah cuka ah cun ahohmanh an kal duh ti lai lo. Caw le tuu tlonnak hmun a si lai,” a ti tiah a ti.

JEREMIAH 16:16

“Cun ngatlaitu tampi kha ka cah hna lai i hi mi hna hi an tlaih hna lai, tiah Bawipa nih a ti. Cun cu hnuah cun ramvaimi tampi kha ka cah hna lai i tlang kip le fing kip le lungpang kua kip ah khan an kawl hna lai.

MIKAH 7:17

Rul bantukin leidip kha liak hna seh law Vawlei i a lawn in a lawnmi thilnung bantukin vawlei kha ei hna seh. Annih nih an ralhau chung khan ther lengmang le phang lengmang in hung chuak hna seh law nangmah cu in ṭih hna seh, Maw Bawipa kan Pathian.

ZEKHARIAH 10:8

Annih cu ka tlanh cang hna caah fifik in ka kawh hna lai i, Hlan lio i an rak tam bantuk khan an tam ṭhan lai.

MATTHAI 7:16

Annih cu an theitlai khan nan rak hngalh ko hna lai. Khohmung nih mitsur thei a tlai bal lo i saihmurhling nih theipi a tlai bal lo.