ISAIAH 7:18 - Lai (Hakha) Common Language Bible 2006

¹⁸ “Cu caan a phak tikah Bawipa nih Izipt mi kha fifik in a kawh hna lai i Nail tiva a vaṭeng a hla bikmi hmun i a ummi tiang khan tho bantukin an ra lai, Assiria mi zong kha a kawh hna lai i khuai bantukin an ra ve lai.

ISAIAH 7:18 ပူးပေါင်းရင်းမြစ်များ

SALM 105:31

Pathian nih nawl a pek hna i fikfa le hmaisem nih an ram cu a zual in an zual.

SALM 118:12

Khuai zelh in an ka zelh, sihmanhsehlaw hlingbur kangh in an kang, Bawipa ṭhawnnak thawngin ka tei dih hna.

EXODUS 8:21

Ka mi cu a kalter hna lo ahcun amah le a bawi hna le a inn hna cungah tho ka tlunter hrimhrim hna lai. Izipt mi vialte an inn cung dihlak ah ka tlunter lai, cun an dirnak vawlei hmanh kha tho in ka khahter lai.

EXODUS 8:24

Cuticun Bawipa nih a tuah taktak i tho cu bu ngan pipi in Faro siangpahrang inn le a bawi pawl inn le Izipt ram dihlak ah cun an lut i ram cu tho nih cun a hrawh dih.

ISAIAH 13:5

Lamhlatpi i a ummi ram vanhramdeng in a rami an si. A thinhun in ram cu a pumpi in Bawipa nih a hrawh lai.

ISAIAH 31:1

Bawmhnak hal awkah Izipt i a vung kalmi cu an lo cang. An i bochanmi cu Izipt ṭhawnnak kha a si — a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.

ISAIAH 5:26

Bawipa nih, lamhlapi i a ummi miphun kha, ra u, tiah hmelchunhnak a pek hna. Vanhramdeng in fifik in a kawh hna. An ra cang, khulrang in an ra cang.

ISAIAH 7:17

“Israel pennak le Judah pennak an i ṭhennak in atu tiangah harnak a tlungmi vialte hna nakin a har deuhmi harnak cu nangmah le na mi hna le siangpahrang innchungkhar dihlak cungah Bawipa nih a tlunter lai — cu a tlunter dingmi cu Assiria siangpahrang kha a si!

ZEKHARIAH 10:8

Annih cu ka tlanh cang hna caah fifik in ka kawh hna lai i, Hlan lio i an rak tam bantuk khan an tam ṭhan lai.

DEUTERONOMI 1:44

Cun khi tlangram i a ummi Amor mi hna nih cun an in chuahhnawh hna i khuai nih mi an dawi bantukin an in dawi hna i Seir in Hormah tiang an in den chih len hna.

DEUTERONOMI 28:49

Bawipa nih lamhlat piin, vanhramdeng in, mupi a zuan bantuk i a khul a rangmi, an holh nan theih lomi,

DEUTERONOMI 7:20

Cuhleiah nannih sinin aa thupmi hna le a taangmi hna kha an rawh dih hlantiang, Bawipa nan Pathian nih annih lakah khuaingal a thlah hna lai.

JOSHUA 24:12

Cun Amor mi siangpahrang pahnih nan hmai in a ṭhawltu hna khuaingal kha nan hmaiah ka thlah; nan vainam in siseh, nan likuk in siseh a si lo.