ISAIAH 7:15 - Lai (Hakha) Common Language Bible 2006

¹⁵ A hung upat i chiaṭha thleidang kho a si tikah a rawl cu cawhnuk le khuai hliti an si lai.

ISAIAH 7:15 ပူးပေါင်းရင်းမြစ်များ

GENESIS 18:8

Cawhnuk thawhpat le cawhnuk hring le sa kha a hunh hna i an ei lioah cun thingkung tangin a dirhnawh hna.

SALM 51:5

Sual cia in hrin ka si, ka nu nih a ka pawi ah khan, misual ka si cang.

ISAIAH 7:22

an hnuk kha tam tuk hringhran a chuah lai caah duhdim tein aa za ko lai. Asi, ram chung i a tangmi vialte nih cawhnuk le khuai hliti ei awk an i ngeih dih cio lai.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

MATTHAI 3:4

Johan hnipuan cu kalauk hmul in tahmi an si; a tai ah saphaw taisawm aa sawmh i khaubawk le khuaihliti in aa cawm.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

LUKA 2:40

Ngakchia cu a hung ṭhang i a hung ṭhawng; fimnak in a khat i Pathian thluachuahnak kha a cungah a um.

LUKA 2:52

Cun Jesuh cu pum lei in siseh, fimnak lei in siseh, a hung ṭhang i Pathian hmai le minung hmaiah mithmai ṭha a hmu.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

DEUTERONOMI 1:39

Cuhleiah nan ngakchia, hranchaw ah an cang lai nan timi hna le, atu ah chia le ṭha a hngal lomi nan fale hna cu, khika ah an lut lai i annih cu ka pek hna lai i annih nih an co lai.