ISAIAH 7:14 - Lai (Hakha) Common Language Bible 2006

¹⁴ Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

ISAIAH 7:14 ပူးပေါင်းရင်းမြစ်များ

GENESIS 16:11

Fapa pakhat na ngei lai i a min ah Ishmael na sak lai, Zeicahtiah Bawipa nih na harnak kha an theihpiak.

GENESIS 29:32

Leah cu fa a pawi i fapa a hrin. Aa thawh i, “Bawipa nih ka harnak kha a ka hmuhpiak cang, atu cu ka va nih a ka dawt cang lai,” a ti; cucaah a min ah Reuben a sak.

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

GENESIS 30:6

Rachel nih khan, “Pathian nih keimah ṭanh in bia a ka ceihpiak cang. Ka thlacamnak kha a theih i fapa a ka pek,” a ti i cucaah a min cu Dan a sak.

GENESIS 30:8

Rachel nih cun, “Ka u he kan i cuh i keimah nih ka tei,” a ti i cucaah a min cu, Naftali a sak.

GENESIS 4:25

Cun Adam nih khan a nupi cu a hngalh ṭhan i fapa a hrin. A nupi nih cun, “Kain nih a thahmi Abel airawltu ah khan Pathian nih fapa pakhat a ka pek,” a ti i a min ah Seth a sak.

1 SIANGPAHRANG 13:3

Cun cu ni ṭhiamṭhiam ah cun hmelchunhnak pakhat a pek i, “Mah hihi Bawipa nih a chimmi hmelchunhnak cu a si: ‘Zohhmanh, biakṭheng kha a cim lai i a cung i a ummi vutcam hna cu thlet an si lai,’ a ti,” tiah a ti.

SALM 46:8

Ra law zohhmanh, Bawipa i a tuahmi hi; Zohhmanh zeitluk khuaruahhar thil hna dah leicung ah hin a tuah.

ISAIAH 38:7

Isaiah nih cun a leh i, “Bawipa nih a biakamnak cu a tuah lai ti hngalhnak caah hmelchunhnak pakhat an pek lai.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

ISAIAH 8:8

Judah ram chungah khan tilian bantukin a vung luang lai; cun a liam in a liam lai i hngawng tiang a phan lai; cun aa samhmi a thla nih khan na ram cu a bitkauhnak in a huh dih lai, maw Immanuel,” a ti. Pathian cu kan sinah a um ko! Aa samhmi a thla in ram cu a huhphenh.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

JEREMIAH 31:22

Zeicahdah lung awṭawm in nan um lai, nannih zumhawktlak lomi hna? Bawipa nih thil thar pakhat vawlei cungah hin ka ser: nu nih pa an tluk hna lai.”

JEREMIAH 44:29

Ka bia nih nan cungah ṭhat lonak a tlunter khawh lai ti hngalh khawh nakhnga ding caah, nannih cu hi hmun ah hin dantat kan timh hna i cu hmelchunhnak cu hi kan pekmi hna hi a si:

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

LUKA 1:31

Nau na pawi lai i fapa na hrin lai i a min ah Jesuh na sak lai.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

LUKA 2:12

Cun hihi nan ca i hmelchunhnak cu a si lai: ngakchiate pakhat kha puan in an zual i caw rawl einak kuang chung i an thlim kha nan va hmuh lai,” tiah a ti.

LUKA 20:44

David nih khan ‘Bawipa’ tiah a ti ṭung ahcun, zeitindah Messiah cu David fapa cu a si khawh lai?” tiah a ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

BIACEIHTU 6:36

Cun Gideon nih Pathian sinah cun, “Nangmah nih na chim cang bangin keimah kut in Israel kha na chuah ding a si ahcun.

1 SAMUEL 1:20

cun a caan a tlin tikah Hannah cu fa a pawi i fapa a hrin i, “Amah cu Bawipa sinin ka halmi a si,” tiin a min ah Samuel a sak.

1 SAMUEL 4:21

Cun, “Sunparnak cu Israel mi sinin aa ṭhial cang!” tiin naute cu Ikabod tiah min a sak, zeicahtiah Pathian kuang cu tlaih a si, cun a va pa le a va zong kha an thi cang.