ISAIAH 66:23 - Lai (Hakha) Common Language Bible 2006

²³ Thla thar puai le Sabbath ni ah phun kip chungin Jerusalem i keimah biak awkah an ra lai,” tiah Bawipa nih a ti.

ISAIAH 66:23 ပူးပေါင်းရင်းမြစ်များ

2 SIANGPAHRANG 4:23

Cun anih nih, “Zeicahdah amah sinah cun nihin ah na kal lai? Thla thar zong a si lo i sabbath zong a si ṭung lo,” tiah a ti. Anih nih, “A ṭha ko lai,” tiah a ti.

SALM 22:28

Bawipa cu siangpahrang a si i amah nih miphun vialte cu a uk hna.

SALM 65:2

Zion ah kan in thangṭhat lai i na sinah bia kan i kammi kha kan in pek lai.

SALM 65:3

Mi vialte nih an sualnak cu na hmaiah an phuan lai: kan sualnak cu kan caah a rit tuk hringhran, nangmah lawnglawng nih na kan thianhpiak khawh.

SALM 86:9

Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangṭhat lai,

ISAIAH 19:21

Izipt mi sinah Bawipa nih aa langhter lai. Cu bantukin aa langhter tikah annih nih an hngalh lai i an biak lai i raithawinak le pekchanhmi thil an pek lai. Annih nih a fekmi biakamnak an tuah lai i bia an i kammi cu an tlinter lai.

ISAIAH 19:23

Cu caan a phak tikah Izipt le Assiria kar ah lam nganpi pakhat a um lai. Hi ram pahnih hna mi cu an i tlawng an i kai lai i hi miphun pahnih hna cu hmunkhat ah Pathian an bia lai.

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

EZEKIEL 20:40

Sihmanhsehlaw ka tlang thiang cungah, Israel tlang sang cungah, khika ah Israel mi hna nih ram chungah an dihlak in ka rian an ṭuan lai, tiah Bawipa Pathian nih a ti. Khika ah khan ka cohlan hna lai i khika ah khan nan laksawng le nan pekchanhmi thil chung i a ṭha bikbik hna le a thiangmi nan thawhlawm vialte he khan ka pe u, tiah kan hal hna lai.

EZEKIEL 45:17

cun an bawi cu khangh thawinak caah khan le rawl thawinak caah khan le thlet thawinak caah khan, thla thar ah siseh, sabbath ah siseh, Israel mi nih an ulhmi puai caan paohpaoh ah siseh, amah cu a ruatkhangtu a si lai. Israel mi ca i remnak sernak caah a herhmi sual thawinak le rawl thawinak le khangh thawinak kha amah hrimhrim nih a thawh hna lai.

EZEKIEL 46:1

Mah hihi Bawipa Pathian bia an si: Chunglei tual nichuahlei kutka cu rianṭuan ni ni ruk chung kha khar a si lai; sabbath ni le thla thar ni lawngah hun a si lai.

EZEKIEL 46:6

Thla thar ah dotla cawtum no pakhat, tuu paruk le tuukawng pakhat, an dihlak in dotla, pekchanh an si lai.

ZEKHARIAH 14:14

Cu ti i Jerusalem khua chung i i siknak ah cun Judah zong aa tel ve lai i a pawngkam i a ummi miphun hna rumnak cu hloh dih a si lai — sui le ngun le hnipuan tampi hna cu hloh dih an si lai.

ZEKHARIAH 14:16

Jerusalem a dotu miphun hna chungin a tangmi vialte hna cu kum fate in Siangpahrang, ralkapbu Bawipa biak awkah le Deu Puai tuah awkah cun an ra lengmang lai.

ZEKHARIAH 14:18

Izipt ram chung i a ummi innchungkhar hna lakah a hung kal lo i khuapi chungah a lut lomi an um ahcun, puai tuah awkah a hung kal lomi miphun cungah Bawipa nih rawhralnak a tluntermi bantuk nih khan a tlunhnawh ve hna lai.

ZEKHARIAH 14:19

Deu Puai tuah awkah a hung kal lomi miphun hna le Izipt cungah dantatnak a tlung ding cu hihi a si lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

JOHAN 4:23

Sihmanhsehlaw Pathian a bia taktakmi nih cun thlarau le biatak in an biak caan kha a ra lio i hika hi a phan cang. Hi bantukin a biami hna hi Pa nih a duhmi cu an si.

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.