ISAIAH 66:22 - Lai (Hakha) Common Language Bible 2006

²² “Ka lianhngannak thawngin vawlei thar le van thar cu an hmunh bantukin nan tefa hna le nan min cu an hmun ve lai.

ISAIAH 66:22 ပူးပေါင်းရင်းမြစ်များ

ISAIAH 48:19

Nan tefa cu rili kam thetse zat in an tam hnga i zeitikhmanh i rawk kho lo dingin ka ser hna hnga,” a ti.

ISAIAH 51:16

Van khi ka samh hna i vawlei hram cu ka bunh hna. Zion cu ka thawh i, ‘Nangmah cu ka mi na si! Keimah nih kan cawnpiak cang i ka kut in kan huhphenh,’ ka ti.”

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

ISAIAH 56:5

nan min cu ka Biakinn chungah le ka mi hna lakah, fapa fanu nan ngeih i nan min cinken a si nak hmanh khin, sau deuh cinken a si lai. Zeitikhmanh ah kan philh hna lai lo,” a ti.

ISAIAH 59:21

Cun hi biakamnak hi nanmah he ka ser lai: Ka ṭhawnnak in ka phunglam le cawnpiaknak kha kan pek hna, cun atu thawk in hmailei caan vialte tiang hi phunglam le cawnpiaknak cu nanmah le nan fale le nan tefa fachin hna nih nan ngaih awk le nan i cawnpiak awk a si,” a ti.

ISAIAH 61:8

Bawipa nih, “Dinnak kha ka duh i hremnak le thil ṭhalo tuahnak kha ka huat. Ka mi cu ka lehrulh hrimhrim hna lai i anmah he zungzal hmunmi biakamnak ka ser lai.

ISAIAH 61:9

Miphun dang sinah khan an min a thang lai i a hmumi hna paoh nih, thluachuahnak ka pekmi miphun an si kha an hngalh lai,” a ti.

ISAIAH 65:17

Bawipa nih aa thawh i, “Van thar le vawlei thar ka ser hna i hlanlio thil cu a philh in philh an si cang lai.

ISAIAH 65:23

An ṭuanmi rian ah khan khua awng an pem lai i an fale nih vanchiatnak an tong lai lo. Anmah he an fale he hmailei caan ra ding tiangin thluachuah ka pek hna lai.

JEREMIAH 33:20

“Hi hi Bawipa bia a si: Chun ca le zan ca i phung ka sermi hi hrawh khawh a si i annih nih ningcang loin an um khawh a si ahcun,

JEREMIAH 33:21

David ka sal he ka biakamnak zong kha a rawk kho ve lai i a tefa hna kha pakhat hmanh a bawiṭhutdan cung i a ṭhu ding um loin a si kho ve ko lai; cun Levi mi ka tlangbawi ka rianṭuantu hna he ka biakamnak zong, cu bantuk ṭhiamṭhiam in a si ve kho ko hnga.

ZEFANIAH 3:20

Kan pumh hna caan a phak tikah cun inn ah kan tlunpi hna lai. Nan vanṭhatnak kha kan pek ṭhan hna tikah, Vawleicung mi vialte sinah minthannak le thangṭhatnak kha kan hmuhter ṭhan hna lai i cucu nan mit in nan hmuh lai. Hi bia a chimtu hi Bawipa a si.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

2 PETER 3:13

Sihmanhsehlaw kannih cu Pathian nih a kan kamhmi van thar le vawlei thar, dinnak a umnak inn kha kan hngak.

BIAPHUAN 21:1

Khi hnuah van thar le vawlei thar kha ka hmuh hna. Van hmasa le vawlei hmasa kha an lo cang i rili kha a um ti lo.