ISAIAH 66:21 - Lai (Hakha) Common Language Bible 2006

²¹ Annih lakah a cheu cu tlangbawi le Levi mi ah ka ser hna lai.

ISAIAH 66:21 ပူးပေါင်းရင်းမြစ်များ

EXODUS 19:6

Nannih cu tlangbawi bantukin ka rian a ṭuanmi miphun nan si lai i keimah sin i pekchanhmi nan si lai,’ a ti, tiah chim hna. Cucu Israel mi cu na chimh hrimhrim hna lai,” a ti.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

JEREMIAH 33:22

Van i arfi rel cawk lo le rili thetse rel cawk a si lomi bantukin, ka sal David i a tefa cu ka karhter hna lai i ka rian a ṭuanmi Levi mi hna zong ka karhter hna lai,” tiah a ti.

HEBRU 7:12

Tlangbawi sining kha aa thlen tikah Nawlbia zong kha thlen a herh ve.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 20:6

Hi mithi thawhter an si a pakhatnak i aa telmi hi cu lunglawmmi le thluachuak hringhranmi an si ko. Thih voi hnihnak nih an cungah nawl zeihmanh a ngei lo; annih cu Pathian le Khrih tlangbawi an si lai i Khrih he cun kum thong khat chung uktu bawi an si lai.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.