ISAIAH 66:16 - Lai (Hakha) Common Language Bible 2006

¹⁶ A sual tiah a hmuhmi vawleicung mi vialte kha mei le vainam in dan a tat hna lai i an thi lai.

ISAIAH 66:16 ပူးပေါင်းရင်းမြစ်များ

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

ISAIAH 3:13

Bawipa cu a bia kha chim awkah aa tim cang, miphun vialte kha an bia ceih awkah a tlam a tling cang.

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

ISAIAH 31:8

Raldohnak ah hin Assiria mi cu hrawh an si lai, sihmanhsehlaw minung ṭhawnnak in a si lai lo. Assiria mi cu raltuknak hmun in an zam lai i an tlangval hna cu sal ah an tlaih hna lai.

ISAIAH 34:2

Miphun vialte hna le an ralkapbu vialte hna cungah Bawipa cu a thin a hung. Hrawh dih dingin a ruah cang hna.

ISAIAH 65:12

Kan kawh hna tikah nan ka let lo i ka chim tikah nan ngaih lo caah sar thih in nan thi lai. Ka nawl zulh duh lo le ṭhat lonak tuahtu kha nan i thim.

JEREMIAH 25:31

A au thawng cu vanhramdeng tiang a thang lai, zeicahtiah Bawipa cu miphun vialte cungah bia a ngei i minung vialte kha taza a cuai hna lai i a sualmi cu vainam in an thi lai, tiah na chimh hna lai,’ tiah Bawipa nih a ti.

JEREMIAH 25:33

Cun cu ni ah cun Bawipa nih a thahmi hna cu vawlei khattelei kam in khattelei kam tiang hmunthur bantukin an ril liangluang ko lai. Ahohmanh nih an ṭah hna lai lo, a pumh zong an pum hna lai lo, a vui zong an vui hna lai lo.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

JEREMIAH 46:15

Zeicahdah Apis cu a zam? Zeicahdah nangmah an cawmtu pathian cu fek tein a dir lo? Bawipa nih lengah a nam cang.

EZEKIEL 28:18

Chawlehnak ṭhalo na tuahnak ah khan na sualnak cu a ngan tuk caah Na hmunthiang kha na thurhhnawmh hna. Cucaah na chungah mei kha ka kau i an kangh. Mi vialte hmuh awk caah vawlei ah cun vutcam bangin kan kaltak.

EZEKIEL 38:17

Hihi Bawipa Pathian bia a si. Hlan lioah ka profet hna kaa in bia ka chim tikah, Israel mi doh awkah ka kalpi lai, ka rak timi cu nangmah hi na si.

EZEKIEL 5:15

Nannih cu nihsawh awk le zawmhtaih awk thil ah nan cang lai i nan cung i biachahnak le biakhiahnak thinhung le thinlin in ka tuah tikah nan velchum i a ummi miphun hna caah i zohchunh awk thil ṭihnung nan si lai.

JOEL 3:2

Miphun vialte cu ka pumh hna lai i Bawipa Biaceihnak Nelrawn timi ah ka kalpi hna lai. Khika ah ka mi hna cung i an tuahmi ruangah bia ka ceih hna lai. Israel mi cu ramdang ah an ṭhek dih hna i ka ram Israel cu an cheu dih.

AMOS 7:4

Bawipa Pathian nih a ka hmuhsak ṭhanmi cu mah hihi a si: Bawipa Pathian nih a thukmi rili le sermi thil vialte kha khangh dih awkah mei kha a auh.

NAHUM 3:15

Khi ti nan tuah hmanh ah mei nih an kangh ṭhiamṭhiam hna lai i vainam nih an sam ṭhiam hna lai. Khaubawk tluk tam ah i ser tuah u, buṭit tluk tam ah i ser tuah u,

NAHUM 3:3

Rangleng hna cu an choi cukmak, rangcung ralkap hna nih cun an hun nam cutmat, An vainam cu a tleu in an tleu, an fei cu a cer in an cer! Mithi cu rel cawk an si lo, an ruak cu a pon in aa pong; a rel in rel cawk an si lo, mi nih ruak cu i pah lulhmalh an si ko.

ZEKHARIAH 14:5

Tlang hna karlak i nelrawn cu phih a si lai, zeicahtiah an karlak i horkuang thar cu Azal tiang a phan lai. Judah siangpahrang Uzziah chan ah lihnin nih a rak phih bantuk khan phih a si lai i Bawipa ka Pathian cu a mithiang vialte hna he khan an lang lai.