ISAIAH 66:14 - Lai (Hakha) Common Language Bible 2006

¹⁴ Hi thil a hung um tikah nan lung aa lawm lai; an ṭhawnter hna lai i nan ngan an damter hna lai. Cucaah Bawipa keimah nih ka nawl a ngaimi cu ka bawmh hna i ka ral cu ka thinhunnak ka chuahhnawh hna ti kha nan hngalh lai,” a ti.

ISAIAH 66:14 ပူးပေါင်းရင်းမြစ်များ

EZRA 7:9

thla khatnak thla a ni khatnak ni ah Babilonia in aa thawh i thla nganak thla a ni khatnak ni ah Jerusalem cu a phan, zeicahtiah a Pathian kut velngeihnak cu a cungah khan a um.

EZRA 8:18

Cun kan cung i a ummi kan Pathian kut velngeihnak thawngin, Israel fapa Levi fapa Mahli fapa hna chungin mifim ngaingai a simi Sherebiah le a fapa hna le a rualchan hna, hleiriat kha ka sinah an ratpi hna;

EZRA 8:22

Cun kannih nih, “Kan Pathian kut cu amah a kawltu hna cung paoh ah cun ṭhatnak caah a um i amah a hlawtu hna paoh cu a thinhunnak ṭhawnnak kha a chuahhnawh hna,” tiin siangpahrang kha kan rak chimh cang caah, kan lam i kan ral hna sinin a kan vengtu dingah ralkap bu khat le rangcung ralkap kha siangpahrang cu hal awkah ka ning a zak.

EZRA 8:31

Cun kannih cu Jerusalem i kal awkah cun thla khatnak thla a ni hleihnih ni ah cun Ahava tiva cun kan i thawh; kan Pathian kut cu kan cungah a um i kan ral hna kut chung le lam i lamhruang a rak kan ahtu hna kut chungin a kan khamh.

SALM 107:42

Miding mi nih mah hihi an hmuh i an i lawm, sihmanhsehlaw miṭhalo cu cipkhap ti ngam loin an um.

PHUNGTHLÛKBIA 17:22

Lungthin lawmh hi si ṭha a si, sihmanhsehlaw lungthin ngaihchia nih ruh kha a roter.

PHUNGTHLÛKBIA 3:8

Na taksa caah damnak a si lai i na ruh caah si a si lai.

ISAIAH 10:5

Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman.

ISAIAH 13:5

Lamhlatpi i a ummi ram vanhramdeng in a rami an si. A thinhun in ram cu a pumpi in Bawipa nih a hrawh lai.

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

ISAIAH 26:20

Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.

ISAIAH 30:27

Bawipa lianhngannak le sunparnak cu lamhlatpi in hmuh khawh a si. Mei le meikhu in a thinhunnak kha a lang. Bia a chim i a bia cu mei bantukin a alh.

ISAIAH 33:20

Biaknak puai kan tuah tawnnak Zion khua khi zoh hmanh. Jerusalem khi zoh hmanh. Khika um cu zeitluk in dah hnangam a si lai. A cawl in a cawl lomi thlam, a khenhnak fung phawi bal lomi le a hri a cat bal lomi bantuk a si lai.

ISAIAH 34:2

Miphun vialte hna le an ralkapbu vialte hna cungah Bawipa cu a thin a hung. Hrawh dih dingin a ruah cang hna.

ISAIAH 35:2

Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a ṭha lai. Mi kip nih Bawipa sunparnak le kan Pathian a lianhngannak le a ṭhawnnak kha an mit in an hmuh lai.

ISAIAH 41:20

Mi nih khan cucu an hmuh lai i Bawipa nih ka tuahmi a si kha an hngalh lai. Cu thil a umtertu cu Israel Pathian thiang ka si kha an hngalh lai,” a ti.

ISAIAH 42:13

Mi ralṭha kha raltuk awkah aa thawh bantukin Bawipa cu aa thawh; ral tuk awkah cun aa tim i a hiar in a hiar; ral hla kha aa thawh i raltuknak hmun au khan a au; a ral kha a ṭhawnnak cu a hmuhsak hna.

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

ISAIAH 59:18

A ral cu an tuahmi ning khan dan a tat hna lai, lamhlapi i a ummi hmanh kha dan a tat hna lai.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

ZEKHARIAH 10:7

Cucaah Efraim mi cu ralkap bantuk an si lai, Mitsur hang a ding i aa lawmmi bantuk an si lai, An fapa hna nih cun an hmuh lai i an i lawm lai; Cucaah an lung cu Bawipa ah i lawm ko seh.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

JOHAN 16:22

Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh ṭhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

HEBRU 10:27

Kan ca i a tangmi cu biaceihnak le Pathian a dohmi hna a hrawktu ding mei ṭihnung lawng kha a si ko cang.