ISAIAH 64:9 - Lai (Hakha) Common Language Bible 2006

⁹ cucaah cun kan cungah fak tuk in na thinhung hlah, kan sualnak zong zungzal in i cinken sawh hlah. Kannih cu na mi kan si, kan zaangfah ko sawh.

ISAIAH 64:9 ပူးပေါင်းရင်းမြစ်များ

2 SIANGPAHRANG 25:9

Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna.

SALM 119:94

Kei cu nangmah ta ka si, ka khamh ko sawh. Na nawlbia zulh kha kaa zuam lengmang ko.

SALM 38:1

Bawipa, na thinhung hlah law, ka si hlah. Na thinhun in dan ka tat hlah.

SALM 6:1

Bawipa, na thinhung hlah law, ka si hlah! Na thinhun in dan ka tat hlah.

SALM 79:13

Cun kannih na mi, na tuurun chung tuu hna nih hin, zungzal in kan in lawmh lai i kan hmailei hna.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

ISAIAH 57:17

An sual ruang le an duhfah ruangah an cungah ka thin a rak hung, cucaah cun ka thinhun in dan ka tat hna i ka kaltak hna. Sihmanhsehlaw an lung a hak i anmah kalning ṭhiamṭhiam khan an kal.

ISAIAH 60:10

Bawipa nih Jerusalem cu a thawh i, “Ramdangmi nih na vampang kha an remh lai i an siangpahrang nih na rian an ṭuan lai. Ka thinhun in dan kan tat, sihmanhsehlaw atu cu kan dawtnak le kan zaangfahnak kha na cungah ka langhter lai.

ISAIAH 63:18

Kan ral nih na mi cu an kan dawi dih dengmang i Biakinn cu an thurhhnawmh.

ISAIAH 63:19

Nangmah cu a kan uktu a rak si bal lomi bantukin kan cungah naa umter i kannih cu na mi a rak si bal lomi bantukin na kan tuah.

ISAIAH 63:8

Bawipa nih aa thawh i, “Annih cu ka mi an si, an ka hleng lai lo” a ti. Cucaah an harnak vialte chung khan a khamh hna.

JEREMIAH 10:24

Maw Bawipa, kan remh tuah, Sihmanhsehlaw dinnak in si seh, Na thinhun in cun si hlah seh, Zeicahtiah zeihmanhlo ah na kan canter sual hnga.

JEREMIAH 3:12

Va kal law hi bia hi chaklei ah va thanh law hitihin va ti: Zumhawktlak lo Israel, ra kir tuah, tiah Bawipa nih a ti; Nangmah cu thinhunnak in kan zoh ti lai lo, Zeicahtiah kei cu zaangfah thiammi ka si, tiah Bawipa nih a ti; Zungzal in ka thin a hung lai lo.

JEREMIAH 44:21

‘Nanmah le nan pupa hna le nan siangpahrang hna le nan bawile hna le hi ramchung mi hna nih Judah ramchung khua hna ah le Jerusalem khuachung lam ah nan tuahmi raithawinak kha Bawipa nih a philh hna lo,

ṬAHNAK HLA 2:7

Bawipa nih amah biakṭheng lila kha a hlawt i A hmunthiang kha chiat a serh. A inn vampang hna cu ral kut chungah khan a pek hna; Bawipa innchung hrimhrim ah khan Puai tuah ni i teinak hawhawt bantukin an au.

ṬAHNAK HLA 5:18

Zeicahtiah Zion Tlang cu a ṭiao i A cungah cenghngia kha an i chawk.

ṬAHNAK HLA 5:20

Na kan hlawt rumro a si lo i tah cawk loin kan cungah na thin a hun a si lo ahcun, Maw Bawipa, nangmah leiah kan hruai ṭhan ko, hlan lio kan sunparnak kha kan pe ṭhan ko.

EZEKIEL 29:16

Israel mi hna caah i bochan awk tlak an si ti lai lo; sihmanhsehlaw i bochan awkah an rak merhnawh hna ruang i an sualnak a langhtertu a si lai. Cun Bawipa Pathian ka si kha an hngalh lai, a ti.

LEVITIKAS 26:31

Nan khua cu ka ṭiaoter hna lai i nan hmunthiang cu ka ṭhinter hna lai i nan rimthaw cu ka hnim hna lai lo.

HABAKKUK 3:2

Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.

MALAKHI 1:4

Edom nih, “Kannih cu kan rawk cang, a rawkmi kan inn cu sa ṭhan hna u sih,” tiah a ti tikah, Bawipa bia cu hihi an si: “An sak ṭhan hna ahcun ka ṭheh ṭhan hna lai. Annih cu ṭhat lonak a tamnak ram, Bawipa nih zungzal in chiat a serhmi miphun,” ti an si lai.

2 PETER 2:17

Hi mi hna cu a hna a reu cangmi cerh bantuk an si; thli nih a choihmi khuadawm bantuk an si; a thuk bik muihnak chungah khin Pathian nih umnak hmun a chiahpiak ko hna.

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.