ISAIAH 64:6 - Lai (Hakha) Common Language Bible 2006

⁶ Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

ISAIAH 64:6 ပူးပေါင်းရင်းမြစ်များ

2 SAMUEL 22:46

Ramdangmi cu an hnabei a dong i An ralhau chung khan ther lengmang in an ra chuak.

JOB 14:4

Cu bantukin a thiang lomi minung chung cun a thiangmi zeihmanh a chuak kho bal lai lo.

JOB 25:4

A si ahcun, zeitindah Pathian hmaiah minung cu a din khawh lai? Nu chungin a chuakmi cu zeitindah a thian khawh lai?

JOB 40:4

“Zei rel awktlak a si lomi kei nih hin nangmah cu zeitindah ka leh khawh lai? Ka kut in ka ka kaa huh ah a ṭha deuh lai.

SALM 1:4

Sihmanhsehlaw miṭhalo cu hi bangin an si lo, Thli nih a chawihmi favai bantuk an si.

SALM 14:4

Bawipa nih, “An hngal hnga lo maw? Ṭhat lonak a tuahmi vialte hi mihrut maw an si dih hnga? ka mi kha an ramh hna i cucu an i cawmnak, ka sinah thla an cam bal lo,” a ti.

SALM 51:5

Sual cia in hrin ka si, ka nu nih a ka pawi ah khan, misual ka si cang.

ISAIAH 1:28

Asinain a sualmi le amah a dohmi paoh cu a hrawh hna lai; amah a hlawmi paoh cu a thah dih hna lai.

ISAIAH 1:30

A thi cuahmahmi kuhthing bantukin nan car lai i ti toih lomi dum bantukin nan ro lai.

ISAIAH 43:22

Bawipa nih, “Asinain, Israel mi hna, nan biakmi cu keimah ka si lo; kei nih cun kan nor cang hna.

ISAIAH 46:12

Nannih mi lung hak hna, ka bia ngai tuah u, nannih nih cun teinak cu a hla ngaingai rih tiah nan ruah.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

ISAIAH 50:1

Bawipa nih aa thawh i, “Mipa nih a nupi a mak bantukin ka mi hna cu ka dawi hna tiin dahra nan ruah? Khuazei ah dah maknak ca cu a si kun? Mipa nih a fale cu sal ah a zuar hna bantukin sal ah a kan zuar tiin dahra nan ka ruah? Asilo, sal i nan taan cu, nanmah nan sual ruangah a si; lamhlatpi i kalpi nan si cu nanmah nan ṭhat lo ruangah a si.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

ISAIAH 8:17

Bawipa nih a mi cu a thuhtak cang hna, sihmanhsehlaw kei nih cun ka zumh i kaa bochan.

DANIEL 9:13

asinain Bawipa kan Pathian, na thin damternak caah zeihmanh kan tuah lo; ahmaan lo thil kan tuahmi kha kan i ngaichih lo i na biatak kha kan zul fawn lo.

HOSEA 4:19

Thlichia choihtu in choih an si lai i an raithawinak ruangah khan an ning a zak lai.

HOSEA 7:7

Changreu rawhnak bantukin linsa in an um i an uktu bawi hna kha an thah hna. An siangpahrang cu pakhat hnu pakhat in an nawn hna, Sihmanhsehlaw ahohmanh nih keimah sinah khan thla an cam lo.

LEVITIKAS 13:12

Cun thinghmui zawtnak cu cuar ah a chuah i, tlangbawi nih a hmuh khawh tiangah a zawmipa a cuar cu a lu in a ke tiang thinghmui zawtnak nih cun chuak lakin a khuh ahcun,

ZEKHARIAH 3:3

Joshua cu vancungmi hmai i a dir ah khan a thurhnawmmi thilpuan aa hruk;

ROM 7:18

Ka chungah hin — ka minung sining ah hin — ṭhatnak a um lo ti kha ka hngalh. Zeicahtiah ṭhatnak tuah duhnak kha ka chungah um hmanh seh law ṭhatnak cu ka tuah kho lo.

ROM 7:24

Mi lungrethei ka va si dah! Thihnak i a ka kalpitu pum chung hin aho nih dah a ka khamh lai? Pathian lawnglawng nih kan Bawipa Jesuh Khrih thawngin a ka khamh lai;

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

BIAPHUAN 7:13

Upa pakhat nih khan a ka hal i, “Puan rang aa aihmi hna hi ahodah an si i khuazei in a rami dah an si?” tiah a ka ti.