ISAIAH 64:3 - Lai (Hakha) Common Language Bible 2006

³ Voi khat cu na rak ra i na tuah lai tiah kan ruah lomi thil ṭihnung kha na tuah hna; tlang nih an in hmuh i ṭihnak in an ther.

ISAIAH 64:3 ပူးပေါင်းရင်းမြစ်များ

2 SAMUEL 7:23

Pathian nih amah mi si awk ca i tlanh awkah a kalhnawh hna i amah ca i min pakhat i ser i, amah mi hna hmai in miphun pakhat le cu miphun khuazing hna kha ṭhawl in annih cu thil lianngan le ṭihnung a tuahpiakmi hna, na mi Israel mi hna bantuk hi, vawlei cungah hin zei miphun tal an um ti maw?

SALM 106:22

Cuka ah cun khuaruahharmi thil tampi a tuah, Rili Sen ah cun thil ṭihnung tampi a tuah hna.

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

SALM 66:5

Ra u law Pathian nih a tuahmi thil hi zoh hna hmanh u, minung sinah a tuahmi thil khuaruahhar hi zoh hna hmanh u.

SALM 68:8

vawlei cu aa hnin i van in ruahpi a sur; cu bantukin a si cu Sinai Tlang Pathian a rat ca le Israel Pathian a rat ruangah a si.

SALM 76:12

a ruam a kaimi bawi kha a ṭhumh hna i siangpahrang nganngan kha therphang lengmang in a umter hna.

EXODUS 34:10

Bawipa nih cun aa thawh i, “Nanmah he biakamnak ka ser lai. Nan mi hna dihlak hmaiah, vawleicung khuazeihmanh ah le miphun aho lak hmanh ah tuah bal lomi khuaruahharnak kha ka tuah hna lai. Na sin i a ummi vialte nih khan Bawipa nih zeidah ka tuah khawh ti kha an hmuh lai, zeicahtiah nangmah caah thil lianngan ka tuah hna lai.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

ISAIAH 64:1

Zeicahdah van khi na run baoh ko lo i na rung ṭum ko lo? Tlang nih hin an in hmuh hnga i an in ṭih tuk ah a ther in an ther hnga.

HABAKKUK 3:3

Pathian cu Teman in a ra, Mi Thiang cu Paran Tlang in a ra; A ceunak kha van a khat i a sunparnak cu vawlei kha a khat.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;

DEUTERONOMI 10:21

Amah cu na thangṭhat awk cu a si; amah cu na Pathian, hi thil lianngan le thil ṭihnung hna, na mit nih an hmuhmi, a tuahtu hi a si.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?