ISAIAH 64:1 - Lai (Hakha) Common Language Bible 2006

¹ Zeicahdah van khi na run baoh ko lo i na rung ṭum ko lo? Tlang nih hin an in hmuh hnga i an in ṭih tuk ah a ther in an ther hnga.

ISAIAH 64:1 ပူးပေါင်းရင်းမြစ်များ

SALM 46:6

Miphun cu a ther in an ther, pennak ram cu an i hnin, Pathian aw cu a thang i vawlei cu ti ah a cang dih.

SALM 68:8

vawlei cu aa hnin i van in ruahpi a sur; cu bantukin a si cu Sinai Tlang Pathian a rat ca le Israel Pathian a rat ruangah a si.

SALM 79:10

Zeicahdah miphun dang hna nih, “Nan Pathian cu khuazei ah dah a um kun?” tiah an kan ti lai? Na sal kha an thi an luanter hna caah miphun dang pawl dan na tat hna cu kan mit hrimhrim nih hmu seh.

EXODUS 19:11

kiptuh caah i ralring cia hna seh. Cu ni ah cun, Bawipa cu Sinai Tlang cungah ka rung ṭum lai i cuka ah cun mi zapi nih khan an dihlak in an ka hmuh khawh lai.

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

ISAIAH 41:15

Facang tuknak fung, a thar i hahar an bunhmi bantuk ah kan ser lai. Tlang kha na rial hna lai i na hrawh lai; fing kha na hmawh dih hna lai i leidip ah an cang lai.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

ISAIAH 63:19

Nangmah cu a kan uktu a rak si bal lomi bantukin kan cungah naa umter i kannih cu na mi a rak si bal lomi bantukin na kan tuah.

AMOS 9:13

Hi bangin Bawipa nih a ti: “Lei thuangtu nih rawl ṭuantu a zulh colh le Mitsur hang a nengtu nih a ci a tuhtu a zulh colh caan kha a ra lio. Tlang cung khan mitsur hang thar an luang thluahmah lai i Tlang kip cu rawl kung in an i hnin dulmal lai.

AMOS 9:5

Bawipa ralkapbu Pathian nih vawlei kha a tawngh i a ti dih, A cung i a ummi vialte cu an ro dih; Nail tiva lian bantukin vawlei cu a tho i Izipt Tivapi bantukin a ṭum ṭhan.

ZEKHARIAH 14:4

Khi ni ah cun a ke cu Oliv Tlang cungah an dir lai, cu tlang cu Jerusalem in nichuahlei ah ral-enh in a ummi a si, cun cu tlang cu nichuahlei in nitlaklei ah a kalmi horkuang thukpi nih cheu hnih ah a cheu lai; tlang cheu pakhat cu chaklei ah aa thawn lai i a dang a cheu pakhat cu thlanglei ah aa thawn lai.

MARKA 1:10

Ti chungin a hung thawh dih kate ah khan, van kha aa cheu i Thlarau cu ṭhuro bantukin a cung i a run i fut kha Jesuh nih cun a hmuh.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.