ISAIAH 61:11 - Lai (Hakha) Common Language Bible 2006

¹¹ Thlaici cu an keuh i an ṭhan bantukin, Bawipa Pathian nih a mi cu a khamh hrimhrim hna lai. Cun miphun vialte nih amah cu an thangṭhat lai.

ISAIAH 61:11 ပူးပေါင်းရင်းမြစ်များ

GENESIS 1:11

Cun aa thawh i, “Vawlei cungah hin thingram a phunphun kho hna seh, a tlaimi kung hna le rawl a phunphun thei a phunphun a vuimi rawlkung hna,” tiah a ti i cu bang cun a hung si.

SALM 72:16

Ram chungah rawl tam piin um ko seh; Lebanon tlang i a ummi rawl kung ṭha bantuk nih tlang vialte cu tuam dih hna seh. Ramlak i a khomi ram bantukin khuapi cu minung in khat hna seh.

SALM 72:3

Ram nih hin rumnak i lawmhpi seh law dinnak kha a chungah leng seh.

SALM 85:11

Minung nih zumhawktlak a sinak kha van leiah a kai lai i Pathian dinnak nih vancung khin a run zoh lai.

SOLOMON HLA 4:16

Chim thli tho in zo thli rung hrang law, Kei ka dum chung thei ṭha rimhmui cu, Kalpi ko hna i zel chialmal in; Lungthli ka tum val nih dum ah i chawk in, ei seh thei ṭha cem hna cu.

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

ISAIAH 45:23

Ka chimmi cu a hmaanmi a si i aa thleng lai lo. Keimah nih ka min chalh tein hi biakamnak hi ka tuah: ‘Mi vialte kha ka sinah an ra lai i ka hmaiah an kun lai; na sinah zumhawktlak tein kan um lai tiin bia an i kam lai,’ ka ti.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

ISAIAH 45:8

Teinak cu van in ruah sur in ka surter lai i vawlei nih a rak i donh lai, cun luatnak le dinnak cu vawlei ah cun an par lai. Bawipa nih mah hi cu ka umter lai,” a ti.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

ISAIAH 48:18

“Ka nawlbia kha rak ngai u law, ti ka hei duh dah! Thluachuahnak cu nan caah, zeitikhmanh i a reu bal lomi tiva bantukin, a luan in a luang zungzal ko hnga! Ti kam a deng lengmangtu tilet bantukin teinak cu nan sinah a phan ko hnga!

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

ISAIAH 60:18

Puarṭhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangṭhat lai.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

ISAIAH 62:1

Jerusalem cu lung ṭhawnnak pek awkah bia ka chimh lai, khamhnak a hmuh hlantiang le, a teinak zan meifar ceu bantukin a ceu hlantiang ka dai hrimhrim lai lo.

ISAIAH 62:2

Jerusalem, miphun hna nih, teitu na si kha an hmuh lai! An siangpahrang vialte nih na sunparnak kha an hmuh lai. Min thar in auh na si lai i cu min cu Bawipa hrimhrim nih an pek lai.

ISAIAH 62:7

Jerusalem cu ka remh ṭhan i vawleicung dihlak nih an thangṭhatmi khua i ka ser hlantiang, a dinh in ka dinhter hna lai lo.

MATTHAI 13:23

Cun vawlei ṭhatnak hmun i a tlami thlaici cu Vancung Pennak kong kha a thei i a sullam zong a hngalmi kha an si. Thei kha an tlai i a cheu cu a let za khat in, a cheu cu a let sawm ruk in, a cheu cu a let sawm thum in an karh,” tiah a ti.

MATTHAI 13:3

Thil tampi a cawnpiak hna i cu cawnpiaknak caah cun tahchunhnak bia a hman hna.

MATTHAI 13:8

Sihmanhsehlaw thlaici a cheu cu vawlei ṭhatnak ah an tla i a let za khat, a let sawm ruk, a let sawm thum in an vui,” a ti.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.