ISAIAH 60:5 - Lai (Hakha) Common Language Bible 2006

⁵ Mah hihi na hmuh lai i lunglawmhnak in na khat lai, naa lawmh tuk ah a ther in na ther lai. Miphun hna nih an rumnak cu na sinah an rak put lai i naa lawmh tuk ah a ther in na ther lai. Miphun hna nih an rumnak cu na sinah an rak put lai i rili bangin an chawva cu a ra lai.

ISAIAH 60:5 ပူးပေါင်းရင်းမြစ်များ

SALM 119:32

Nangmah nih hngalhthiamnak tam chinchin in na ka pek lai caah, na nawlbia cu lunglawm tein ka zulh hna lai.

SALM 34:5

Hremnak a ingmi nih amah cu an zoh, zeitikhmanh ah a deuh hna lai lo.

ISAIAH 23:18

Chawleh chawhrawlnak in a hmuhmi tangka cu Bawipa sinah a pek lai. A khong hna lai lo i a thup hna lai lo, sihmanhsehlaw Bawipa a biami hna nih a tangka cu an herhmi rawl le thilpuan cawknak ah an hman lai.

ISAIAH 54:2

Na umnak thlam kha ngan deuh in sa. A hri kha sauh hna law a tung kha fehter hna.

ISAIAH 60:11

Miphun dang siangpahrang hna nih an chaw le an va cu an ratpi khawh nakhnga, chunzan in na kutka cu i hung zungzal ko hna seh.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

ISAIAH 66:12

Bawipa nih aa thawh i, “A hmunmi rumnak kha kan pek hna lai; miphun hna chawva cu a kao bal lomi tiva bantukin nan chungah a rung luang lai. Nu nih a cawmmi a fa, a cawi a pommi bantuk nan si lai.

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

MATTHAI 25:16

Thong nga a hmumi sal nih khan cu tangka cun chaw a let zau i a dang thong nga a miak a hmuh.

LAMKALTU 10:45

Judah mi lakah zumtu, Joppa khua in Peter a run zul vemi hna nih khan Jentail mi cung zongah Pathian nih a Thiang Thlarau laksawng kha a toih ve ko ti an hmuh tikah an khuaruah a har.

LAMKALTU 11:17

Kannih nih Bawipa Jesuh Khrih kan zumh tikah Pathian nih laksawng a kan pekmi bantukte kha Jentail mi hna zong Pathian nih cun a pek ve hna ti kha a fiang ko; cucaah, a hi kei nih hin maw, Pathian cu ka donh hnga?” tiah a ti.

LAMKALTU 24:17

“Jerusalem khua in kum tam nawn ka chuah hnuah, ka mi hna cu tangka tlawmpal va pek awk le raithawinak va tuah awkah cuka ah cun ka hung kal.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

ROM 15:26

Cucu zeidah a si tiah, Masidonia ram le Grik ram i a ummi Khrihfabu hna nih Jerusalem khua i a ummi Pathian mi hna lak i sifakmi hna bawmhnak ah anmah lungtho tein an thawhmi thawhlawm a um.

2 KORIN 10:15

Cucaah Pathian nih a kan chiahpiakmi rian ramri leng i midang nih an ṭuanmi kha kannih cu kan i uang lo. Kan i ruahchanmi tu cu, nan zumhnak kha a ṭhang lai i Pathian nih a kan chiahpiakmi ramri chungah khan nan lakah rian ngan deuh chinchin kan ṭuan khawh lai, ti hi a si.

DEUTERONOMI 33:19

An tlang cungah mi kha an kawh hna lai i Khika ah a dikmi raithawinak hna kha an pekchanh; Zeitintiah rilipi rumnak le thetse chung i aa thupmi ro cu an dawp,” tiah a ti.

BIAPHUAN 21:24

Vawleicung miphun zakip nih a ceunak thawng cun kalnak an hmuh lai i vawlei cung siangpahrang hna nih cu khuapi chungah cun an chawhlawn kha an ratpi hna lai.

BIAPHUAN 21:26

Miphun vialte nih an lianhngannak le rumnak cu, cu khuapi ah cun an rak put lai.

1 SAMUEL 2:1

Cun Hannah nih thla zong a cam i, “Bawipa cungah ka lung aa lawm; Bawipa thawngin ka thazang cu hlorh a si. Na khamhnak ah khan kaa lawmh caah, Ka ral hna cu ka kaa nih a nihsawh hna.