ISAIAH 6:6 - Lai (Hakha) Common Language Bible 2006

⁶ Cun thilnung pakhat kha ka sinah a rung zuang i biakṭheng cung meiṭil cengceh in a cehmi kha a run i put.

ISAIAH 6:6 ပူးပေါင်းရင်းမြစ်များ

EXODUS 25:38

A cengceh le a vutcam ruhnak hna cu sui thiang in na ser hna lai.

ISAIAH 6:2

A velchum ah cun mei bantuk a simi thilnung kha an dir i thla paruk cio an ngei. Cu thilnung hna nih cun an hmai kha an thla pahnih cun an i huh cio, an pum kha a dang pahnih in an i huh i a dang pahnih cu zuannak ah an hman hna.

JEREMIAH 1:9

Khi tikah Bawipa nih a kut cu a hun samh i ka ka kha a tawngh; cun Bawipa nih cun a ka thawh i, “Zohhmanh, ka bia cu na ka chungah ka chiah cang hna.

EZEKIEL 10:2

Bawipa nih puan hmangṭhia aa aihmipa kha, “Cherubim hna tang i aa mer lengmangmi lengkekual hna karlak ah khan ra law cherubim hna lak i a ummi meiṭil kha na kut khat in i lak hna law khuapi cungah khan hlonh tuah hna,” tiah a ti. Cucaah ka mithmuh te ah khan a kal.

LEVITIKAS 16:12

Cun Bawipa hmai i a ummi biakṭheng cung meiṭil in a khatmi mei-laknak-kheng cu a lak lai i rimhmui dip tein denmi zapei hnih he puanzar chungah a luhpi lai i

NAMBAR 16:46

Cun Moses nih Aaron sinah, “Na meilaknak kha i lak law, biakṭheng cung mei kha a chungah chia tuah, zihmui phulh law, zokzok tein mibu sinah kalpi law, annih caah remnak serpiak hna; zeitintiah thinhunnak cu Bawipa sinin a chuak cang i rai kha a tlung cang,” tiah a ti.

MATTHAI 3:11

Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.

LAMKALTU 2:3

Cun meizik he aa lomi leiṭe an hung chuah kha an hmuh hna i cuka i a ummi hna an dihlak cungah khan lei cu pakhat cio ah an i fu.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

HEBRU 1:7

Cun Pathian nih vancungmi pawl kong ah cun, “Pathian nih a vancungmi hna cu thlitu ah a ser hna i a rianṭuantu hna cu meizik ah a ser hna,” tiah a chim.

HEBRU 13:10

Judah mi biaknak thlam chung i rian a ṭuanmi hna tlangbawi hna nih khan kannih biakṭheng cung i thawimi raithawinak sa einak nawl kha an ngei lo.