ISAIAH 6:4 - Lai (Hakha) Common Language Bible 2006

⁴ An aw nih cun biakinn cu a hram in a hninh i biakinn cu meikhu in a khat.

ISAIAH 6:4 ပူးပေါင်းရင်းမြစ်များ

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

SALM 18:8

A hnar chungin meikhu an chuak i a kaa chungin a hliau in aa hliaumi meizik an chuak.

EXODUS 40:34

Pumhnak thlam cu minmei nih a huh i Bawipa sunparnak kha a chung cu a khat.

EZEKIEL 1:24

Cun an thla thawng zong kha ka theih, an kal tikah an thla thawng cu ti tampi thawng bantuk a si, Lianngan Bik khuari thawng bantuk a simi bu nganpi thawng le ralkap bu thawng bantuk a si; an dir tikah an thla kha an ṭhumh hna.

EZEKIEL 10:5

Cherubim hna thla khawn thawng cu lenglei tual tiang khan aa thei kho i Lianngan Bik Pathian nih bia chim seh law cu bantuk cun a thang.

EZEKIEL 41:16

cun an pathum cun an velchum i a ummi thlalangawng cu an velchum in thing in kamh an si.

EZEKIEL 44:4

Chaklei kam kutka, biakinn lei a hoihmi ah khan a hun ka kalpi i Bawipa sunparnak nih Bawipa inn chungah a rak i zelh kha ka hmuh i ka bawk.

AMOS 9:1

Bawipa cu biakṭheng pawng i a dir kha ka hmuh i hi bangin a ti: “Innleng kha aa hninh dih nakhnga tung par kha tu tuah hna, Cun cuka i a ummi hna cu an lu ah a tlak hna nakhnga kuai cikcek in deng hna. An dih cikcek tiangin vainam in ka thah hna lai. Ahohmanh a luatmi an um lai lo, A tangmi him tein a ummi zong an um lai lo;

BIAPHUAN 11:19

Vancung i a ummi Pathian biakinn cu a hun i a chung i biakamnak an chiahnak kuang kha a lang. Cun nimtlau a lek, ṭek a tla, khua a ri, li aa hnin i fak piin rial a tla.

BIAPHUAN 15:8

Biakinn cu Pathian sunparnak le lianhngannak meikhu in a khat i vancungmi pasarih nih hremnak pasarih an tlunpimi a dih hlantiang ahohmanh biakinn chungah cun an lut kho lo.