ISAIAH 59:9 - Lai (Hakha) Common Language Bible 2006

⁹ Mi nih khan an i thawh i, “Mi nih kan cungah ṭhat lonak an tuah tikah, zeicahdah Bawipa nih a kan khamh lo, ti kha atu cu kan hngalh cang. Kan kalnak lam ah ceunak kan hmu lai tiah kan rak i ruah, sihmanhsehlaw muihnak lawnglawng a um i.

ISAIAH 59:9 ပူးပေါင်းရင်းမြစ်များ

JOB 19:8

Ka lam kha vampang a ka chonkanh i cucaah ka lan kho lo, Ka lam ah muihnak kha a chiah.

JOB 30:26

Sihmanhsehlaw ṭhatnak ka kawl tikah chiatnak a ra, Ceunak ka hngah tikah muihnak tu a ra.

SALM 82:5

“Nan va hrut thiam dah, nan va fim lo thiam dah! Khuamui chungah nan um i vawlei cungah hin dinnak zeihmanh a um ti lo.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

ISAIAH 5:30

Cu ni a phak tikah cun Israel cu an hawhawthnawh lai i an aw cu rili thawng bantuk a si lai. Hi ram hi zohhmanh u! Muihnak le harnak lawng a si ko. Ceunak cu muihnak nih a dolh cang!

ISAIAH 59:11

Kan ning a ṭi, kan thla a kam. Pathian nih hremnak le ṭhat lonak chungin kan khamh seh ti kan duh, sihmanhsehlaw zeihmanh a um lo.

ISAIAH 59:14

Dinnak cu kan ṭhawl i ahmaanmi thil nih a naih in a kan naih kho lo. Zapi i pumhnak hmun ah khan biatak cu zeihmanh ah rel a si lo i biaceihnak hmun ah khan dinnak zeihmanh a um lo.

ISAIAH 59:8

nanmah nan um paoh ahcun ahohmanh himbawm in khua a sami an um bal lo. Nan tuahmi thil paohpaoh hi a ding lomi an si dih. Nan zulhmi lam kha lamding lo a si i cu lam i a kalmi paoh cu a himbawmmi ahohmanh an um lo.

ISAIAH 8:21

Mi cu ram chungah khan hnabei dong le rawlṭam in an vak lai. An rawlṭam le an thinhun in an siangpahrang le an Pathian kha chiat an serh hna lai. Van an zoh lai,

ISAIAH 8:22

Vawlei an bih lai, sihmanhsehlaw harnak le muihnak dah ti lo cu zeihmanh an hmu lai lo; cu muihnak cu muihnak ṭihnung a si i cu chungah cun an lut cuahmah ko. Hi harnak caan chung hin luatnak lam an caah zeihmanh a um lai lo.

JEREMIAH 13:16

Bawipa nan Pathian cu sunparnak pe tuah u, Khua a muih hlan le huaphap lawngin a ceumi tlang pang i nan ke a nal hlan le Nannih nih nan kawlmi ceunak cu mui padap i a ser hlanah hin.

JEREMIAH 14:19

Judah cu na hlawt hrimhrim ko cang maw? Zion cu na fih ko cang maw? Kan caah damnak a um khawh ti lo tiangin zeicahdah na kan tuk? Zeicahdah caan ṭha deuh cu na kan ruahchanter ṭung, zeihmanh a ṭhami kan hmuh ṭung lo, Zeicahdah damnak caan cu na kan ruahchanter ṭung i rawknak lawnglawng a si ṭung?

JEREMIAH 8:15

Zeihmanh a ṭhami a um lo tikah hin khuaawng pemh kan i ruahchan kho hnga maw? Ṭihnung a tlak cutmat tikah hin dinhnak kan i ruahchan kho hnga maw?

ṬAHNAK HLA 3:2

Keimah hi a ka kalpi i Ceunak a um lonak muihnak chung i a ka kaltakmi cu ka si.

ṬAHNAK HLA 4:14

Lam ah khan mitcaw bantukin an i chawk i thi kha an i neh tuk hringhran caah An puan hmanh kha mi nih tongh an duh lo.

AMOS 8:9

Bawipa nih hi bangin a ti: Khi ni ah cun ni kha chun ah ka tlakter lai i Vawlei kha chun lingpi ah ka muihter dup lai.

MIKAH 1:12

Rawhralnak kha a rung ṭum i Jerusalem khua kutka hrimhrim kha a phak caah, Maroth khuami hna cu fak piin an lau.

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.