ISAIAH 59:8 - Lai (Hakha) Common Language Bible 2006

⁸ nanmah nan um paoh ahcun ahohmanh himbawm in khua a sami an um bal lo. Nan tuahmi thil paohpaoh hi a ding lomi an si dih. Nan zulhmi lam kha lamding lo a si i cu lam i a kalmi paoh cu a himbawmmi ahohmanh an um lo.

ISAIAH 59:8 ပူးပေါင်းရင်းမြစ်များ

SALM 125:5

Sihmanhsehlaw anmah lam, lam ṭhalo a zulmi hna cu, miṭhalo dan na tat hna tikah khan, dantat ve ko hna. Israel cungah daihnak um ko seh.

PHUNGTHLÛKBIA 2:13

Annih cu muihnak lam zulh awkah dinnak lam a hlawt i

PHUNGTHLÛKBIA 2:15

Annih lam cu a kawi i an thil tining ah midepde an si.

PHUNGTHLÛKBIA 21:8

A sualmi nih cun lam kawi kha an zulh, sihmanhsehlaw a sual lomi nih cun a hmaanmi kha an tuah.

PHUNGTHLÛKBIA 28:18

Ningcang tein khua a sami cu him tein an um lai, sihmanhsehlaw ningcang loin khua a sami cu lam khatkhat in a sung ṭhiamṭhiam lai.

PHUNGTHLÛKBIA 3:17

A lam cu lam nuam an si i rumnak phakpitu lam an si.

ISAIAH 48:22

Bawipa nih, “Misual mi hna caah cun himnak a um lo,” a ti.

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

ISAIAH 59:11

Kan ning a ṭi, kan thla a kam. Pathian nih hremnak le ṭhat lonak chungin kan khamh seh ti kan duh, sihmanhsehlaw zeihmanh a um lo.

ISAIAH 59:9

Mi nih khan an i thawh i, “Mi nih kan cungah ṭhat lonak an tuah tikah, zeicahdah Bawipa nih a kan khamh lo, ti kha atu cu kan hngalh cang. Kan kalnak lam ah ceunak kan hmu lai tiah kan rak i ruah, sihmanhsehlaw muihnak lawnglawng a um i.

ISAIAH 65:2

Anmah duhnak lei paoh ah a kal i ṭhat lonak a tuah peng tu hna hi, ka za ka chanh zungzal ko hna.

JEREMIAH 5:1

Jerusalem khua chung lam a kenkip ah khan vaa chawk u law va zoh u law vaa chingchiah tuah u, Khi khua cu ka ngaihthiam khawh nakhnga Biading a kawl i biatak a tuahmi mi pakhat tal, A khua chung i hmun kau pipi ah khan va kawl tuah hna u law nan hmu kho hna hnga maw?

MATTHAI 23:23

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.

ROM 3:17

Daihnak lam kha an hngal lo i