ISAIAH 57:10 - Lai (Hakha) Common Language Bible 2006

¹⁰ Pathian dang kawl ah nan re nan i theih ko, sihmanhsehlaw ngol cu nan duh hlei lo. Fih a nungmi nan siasal nih khan ṭhawnnak a kan pek tiah nan ruah caah a bat in nan ba kho lo.

ISAIAH 57:10 ပူးပေါင်းရင်းမြစ်များ

ISAIAH 47:13

Ruahnak an in cheu nain zeihmanh na tuah kho hlei lo. Ruahnak an petu hna cu hmaiah ra chuak hna seh law in khamh tuah hna seh — arfi kong kha a cawng i van kha a bu a bu in a ṭhen i thla khat hnu thla khat in na cung i a tlung ding vialte an chim khotu ding hna nih cun, in khamh tuah hna ngat seh.

JEREMIAH 18:12

Sihmanhsehlaw annih nih an in thawh lai i, ‘Zeicahdah kan i remh len ko lai? Kan duhning cio paoh in kan tuah cio ko lai i kan lung chungin a chuakmi ning cio paoh in kan um ko lai,’ tiah an in leh lai.

JEREMIAH 2:25

Lung tamnak hmun kal kha i sum law Na hrom cu a ti halter loin um ko hen aw. Sihmanhsehlaw naa thawh i, ‘Ka hnabei a dong cang, Ram dang pathian kha ka duh hna i anmah kha ka zulh ko hna lai,’ na ti.

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

JEREMIAH 9:5

An hawikom kha lentecelhnak ah an hman hna i Biatak kha an chim bal lo; An lei kha lihchim an cawnpiak hna. An sualnak chungah thuk piin an um i an kir kho ti lo.

EZEKIEL 24:12

I zuam len hmanh law a cirik kha a chah tuk caah a kok kho bal lai lo; Mei lawnglawng nih an khawhpiak khawh lai.

HABAKKUK 2:13

Nan teimi miphun hna nih fak piin an rak ṭuanmi cu pakpalawng ah nan ser i an rak sakmi cu meizik in nan khangh dih. Hihi a tuahtu cu ralkapbu Bawipa a si.

ROM 7:9

Keimah hrimhrim zong hi hlanah cun nawlbia loin ka rak nung, sihmanhsehlaw nawlbia kha a rat tikah sualnak cu a tho i ka thi.