ISAIAH 57:1 - Lai (Hakha) Common Language Bible 2006

¹ Miṭha kha an thi, sihmanhsehlaw an thih cu ahohmanh nih zei ah an rel lo, a hngalh hmanh an hngal lo. Asinain an thih ah khan harnak nih fahnak a pek khawh ti hna lonak hmun ah an kal a si.

ISAIAH 57:1 ပူးပေါင်းရင်းမြစ်များ

1 SIANGPAHRANG 14:13

Cun Israel mi vialte nih an ṭah lai i an vui lai; zeitintiah Jeroboam chungkhat hna lakah amah lawnglawng hi thlan ah vui a si lai; zeicahtiah Jeroboam chungkhar chungah hin amah ah hin cun Bawipa, Israel Pathian i a ṭha a timi thil zeimaw a um.

2 SIANGPAHRANG 22:20

Cucaah zohhmanh, nang cu na pupa hna sinah kan pumh lai i dai tein thlankhor na phan lai, cun hi hmun cung i ṭhat lonak ka tlunter laimi hi na mit nih a hmu lai lo,’ a ti, tiah chim hna, a ka ti,” tiah a ti. Cun siangpahrang sinah cun bia cu an hei lanhpi.

2 CHANRELNAK 32:33

Cun Hezekiah cu a pupa hna sinah a it i David fapa hna thlan kainak ah khan an vui; Judah ram mi vialte le Jerusalem mi hna nih khan a thih ah cun upatnak an pek. Cun a fapa Manasseh cu amah hmun ah khan a hung bawi.

2 CHANRELNAK 34:28

Zohhmanh na pupa hna sinah kan pumh lai i daihnak in thlan khor na phan lai, cun hi hmun le a chung i a ummi hna cung i ṭhat lonak ka tlunter dingmi hi na mit nih a hmu lai lo, tiah va chim u,’ a ti,” tiah a ti. Cun annih nih bia cu siangpahrang sinah an ratpi ṭhan.

2 CHANRELNAK 35:24

Cucaah a sinum hna nih cun rangleng chung khan an chuah i a rangleng pahnihnak in Jerusalem ah an tlunpi. Cun a thi i a pupa hna thlan ah khan an vui. Cun Judah mi dihlak le Jerusalem mi dihlak nih khan Josiah kha an ṭah.

SALM 12:1

Ka khamh tuah, maw Bawipa! Miṭha an um ti lo i lihchim lomi an um ti lo.

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

ISAIAH 42:25

Cucaah cun a thinhun ṭhawnnak kha a kan inter i ral hremnak kha a kan tuarter. Israel mi hna lakah a thinhunnak cu mei alh in a alh, sihmanhsehlaw zei thil dah a um ti kha kan hngal lo, kan i cawn khawhmi zong zeihmanh a um fawn lo.

ISAIAH 47:11

Vanchiatnak kha na cungah a tlung lai i na camh nih khan an khamh kho lai lo. Hmakhatte ah na cungah rawhralnak a tlung lai — na mang hmanh i na manh bal lomi rawhralnak kha a tlung lai!

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?

JEREMIAH 18:11

Cucaah va kal law, Judah ram mi hna le Jerusalem mi hna cu, mah hihi Bawipa bia a si tiah va chim hna: Keimah cu umsertu ka si. Nan cung i a tlung dingah thil ṭhalo kha ka tim lio i nanmah dantatnak ding lam kha ka tuak lio. Lam ṭhalo nan zulhmi kha nan dihlak in kirtak cio u; nan ziaza le nan tuahnak kha i remh cio u, a ti.

JEREMIAH 22:10

Nannih Judah mi hna, Siangpahrang Josiah kha ṭah hlah u, A thih zun zong ngai hlah u; Sihmanhsehlaw a fapa Shallum tu kha lunghno ngaiin ṭah u, Zeicahtiah kir ti lo dingin an kalpi lai, A chuahnak ram kha zeitik hmanh ah a hmu ṭhan ti lai lo.

EZEKIEL 21:3

Israel ram cu thawh law, “Hihi Bawipa bia an si: Nangmah cu kan ralchanh. Ka vainam cu a kawng chung khan ka phawi lai i na chung i a ummi kha a ding he a ṭhalo he ka sam hna lai.

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

MALAKHI 2:2

Nannih nih ka bia kha nan ngaih lo i ka min kha nan upat lo ahcun, nan cungah chiatnak ka tlunter lai, tiah ralkapbu Bawipa nih a ti. Nannih nih zei ah nan ka rel lo caah thluachuahnak nan hmuhmi cu chiatserhnak caah ka canter lai, chiatsernak ah ka canter taktak lai.