ISAIAH 56:9 - Lai (Hakha) Common Language Bible 2006

⁹ Bawipa nih ramdangmi kha, ramlak saram bantukin ra u law ka mi hi ra ei hna u, tiah a chimh hna.

ISAIAH 56:9 ပူးပေါင်းရင်းမြစ်များ

SALM 104:20

Zan kha na ser i mui ah saram kha an chuak.

ISAIAH 18:6

An ralkap hna ruak cu va le saram nih run ei hna seh tiah kaltak an si lai. Ṭhal ah va nih an ei hna lai i khuasik ah saram nih an ei hna lai,” a ti.

ISAIAH 46:11

Nichuahlei in ra tiah, mipa pakhat ka kawh, mupi nih ar a nam hna bantukin a nam hna lai i kaa tinhmi kha a tlinter lai. Hi bia cu keimah nih ka chim i a tling lai.

JEREMIAH 12:9

Ka thimmi ka mi hna hi mupi, a ka kip in mupi dang nih an sanhmi bantuk a si. Ra u, nannih sahrang hna, ra u nan dihlak in, Rawl danghnak ah hin ra ei cio u.

JEREMIAH 23:1

Ka tuurun chung tuu a ṭhek i a tlautertu hna tuukhal cu an cungah ningzahnak tlung ko seh, tiah Bawipa nih a ti.

EZEKIEL 29:5

Na tiva hna chung nga hna he cun thetse ram ah khan kan thlak hna lai; Ahohmanh chartu um lo le vuitu um loin vawlei ro ah khan na tla lai. Nangmah cu saram rawl le va rawl caah kan ser lai.

EZEKIEL 39:17

A ka thawh ṭhan i, “Mipa, hihi Bawipa Pathian bia an si: A zuangmi va vialte le ramlak sahrang vialte cu au tuah hna: ‘Ra u, i pum u, ka raithawinak puai ah hin a kenkip in ra chuak tuah u, Israel tlang cung i raithawinak nganpi kan serpiakmi hna ah hin; sa kha ei u law thi kha ding u;

DEUTERONOMI 28:26

Cun nan ruak hna cu van i a zuangmi va vialte le vawlei i a ummi saram hna caah rawl an si lai i, a ṭhawltu ahohmanh an um lai lo.