ISAIAH 56:4 - Lai (Hakha) Common Language Bible 2006

⁴ Zeicahtiah Bawipa nih annih cu a thawh hna i, “Sabbath ulhnak le keimah duhmi tuahnak in nan ka upat i ka biakamnak kha zumh awk tlak tein nan zulh ahcun,

ISAIAH 56:4 ပူးပေါင်းရင်းမြစ်များ

2 SAMUEL 23:5

A si, ka innchungkhar cu cu bantukin Pathian hmaiah a dir lo maw? Zeitintiah keimah he zungzal hmunmi biakamnak kha a ser, Zeizong vialte kha ningcangte le fek tein a tuah. Zeitintiah keimah bawmhnak vialte le duhnak cu Tlinter loin maw a um hnga?

SALM 119:111

Na nawlbia cu zungzal ka ro an si, ka lung a ka lawmhtertu an si.

SALM 25:10

A biakam le nawlbia a zulmi vialte cu, dawtnak in a hruai hna i zumhawktlak tein a kalpi hna.

ISAIAH 27:5

Asinain ka mi hna an ral nih keimah huhphenhnak hmuh kha an duh ve ahcun, keimah he i remnak tuah hna seh. Asi, keimah he i remnak tuah hna seh,” a ti.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

ISAIAH 56:2

Sabbath ni a ul zungzal i a buar lomi kha thluachuahnak ka pek hna lai. Ṭhat lonak zeihmanh a tuah lomi kha thluachuahnak ka pek hna lai,” a ti.

ISAIAH 56:6

Cun Bawipa nih a mi hna chung i aa tel vemi, amah a daw i a rian a ṭuanmi, Sabbath kha a ul i a biakamnak kha ṭha tein a zulmi ramdangmi kha a thawh hna i,

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

JEREMIAH 50:5

Zion lei hoih in cuka kalnak ding lam cu an hal hna lai i, “Ra tuah u, zungzal hmunmi, philh khawh lo ding biakamnak in Bawipa sinah i peh u sih,” an ti lai, tiah Bawipa nih a ti.

LUKA 10:42

sihmanhsehlaw a herh taktakmi cu pakhat lawng a si ko. Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.

HEBRU 6:17

Cu bantukin Pathian zong nih, bia a kamhmi hna nih khan a biakam cu a let hrimhrim lai lo, ti kha fiang tein hngal hna seh ti a duh caah, cu a biakamnak cu chiatsernak in a fehter.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti