ISAIAH 56:2 - Lai (Hakha) Common Language Bible 2006

² Sabbath ni a ul zungzal i a buar lomi kha thluachuahnak ka pek hna lai. Ṭhat lonak zeihmanh a tuah lomi kha thluachuahnak ka pek hna lai,” a ti.

ISAIAH 56:2 ပူးပေါင်းရင်းမြစ်များ

NEHEMIAH 13:17

Khi tikah Judah ram tuavon pawl kha ka caak hna i, “Hi thil ṭhalo nan tuah i sabbath ni nan buar hi zeidah a si?

SALM 106:3

Amah nawl a zulmi cu mi lunglawm an si, a dingmi thil a tuahmi cu mi lunglawm an si!

SALM 112:1

Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

SALM 119:101

Na bia zulh kha ka duh caah ziaza ṭhalo vialte kha ka hrial hna.

SALM 128:1

Bawipa a ṭihmi cu mi lunglawm an si, a nawl a ngaimi cu mi lunglawm an si.

SALM 34:14

Ṭhat lonak kha hrial u law ṭhatnak kha tuah u; daihnak kha duh u law nan hmuh khawh nakhnga fak piin i zuam u.

SALM 37:27

Ṭhat lonak kha mertak u law ṭhatnak kha tuah u; cun hi ram chungah hin nan um zungzal lai;

EXODUS 20:10

sihmanhsehlaw ni sarih ni cu dinh ni a si i Pathian caah nan hman lai. Cu ni ah cun ahohmanh rian nan ṭuan lai lo, nanmah siseh, nan fale si hna seh, nan sal si hna seh, nan saṭil si hna seh, nan khua chung i a ummi miphun dang si hna seh, ahohmanh rian nan ṭuan lai lo.

EXODUS 20:8

“Sabbath ni kha philh hlah u, Bawipa caah va hmang u.

PHUNGTHLÛKBIA 14:16

Mifim cu ralring tein a um i ṭhat lonak kha a hrial, sihmanhsehlaw mihrut cu aa ralring lo i khulrang tuk in a tuah tawn.

PHUNGTHLÛKBIA 16:17

Miding hna nih cun ṭhat lonak a hrialtu lam kha an zulh, cucaah khuazei i na kal kha zoh tuah, na nunnak an khamh khawh lai.

PHUNGTHLÛKBIA 16:6

Pathian leiah felte le zumhawktlak tein um ko law na sualnak cu an ngaihthiam lai. Cun Bawipa kha ṭih law ṭhat lonak nih an tlunhnawh lai lo.

PHUNGTHLÛKBIA 4:13

Cawnpiaknak kha i tlaih peng law thlah hlah; Cucu zul peng tuah, na nunnak a si.

PHUNGTHLÛKBIA 4:27

Orhlei ah siseh, kehlei ah siseh, pial hlah; Ṭhat lonak vialte kha hrial dih hna.

PHUNGCHIMTU 7:18

Mah hihi naa tlaih ahcun a ṭha, cun mah cucu thlah ti hlah; Pathian a ṭihmi na si ahcun thlua na chuak kho lai.

ISAIAH 56:4

Zeicahtiah Bawipa nih annih cu a thawh hna i, “Sabbath ulhnak le keimah duhmi tuahnak in nan ka upat i ka biakamnak kha zumh awk tlak tein nan zulh ahcun,

ISAIAH 56:6

Cun Bawipa nih a mi hna chung i aa tel vemi, amah a daw i a rian a ṭuanmi, Sabbath kha a ul i a biakamnak kha ṭha tein a zulmi ramdangmi kha a thawh hna i,

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

EZEKIEL 20:12

Cu pinah, annih nih kannih cu Bawipa nih Amah caah a kan thianter ti kha an hngalh nakhnga annih le keimah karlak i hmelchunhnak caah sabbath kha ka pek hna.

EZEKIEL 20:20

ka phunglam kha nan tuah hrimhrim hna lai. Ka sabbath kha thiang tein nan ulh hna lai i nannih le keimah karlak i hmelchunhnak an si lai; cuticun keimah cu Bawipa nan Pathian ka si kha nan hngalh lai, ka ti hna.

LEVITIKAS 19:30

Ka sabbath hna cu nan ulh hna lai i ka hmunthiang cu nan upat hna lai: keimah cu Bawipa ka si.

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

LUKA 12:43

A bawipa cu inn i a hung tlun tikah cu ti i a rak tuah a hmuhmi a sal caah cun zeitluk in dah lunglawmh awk a si.

JOHAN 13:17

Atu cu hi biatak hi nan hngalh cang; nan tuah taktak ahcun zeitluk in dik nan i lawmh lai!

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.