ISAIAH 56:12 - Lai (Hakha) Common Language Bible 2006

¹² Hi zuri hna nih hin an i thawh i, ‘Zu kha la rih u sih law kan celh chungin tawng u sih. Thaizing cu nihin nak hmanh hin a ṭha chin deuh rih lai,’ an ti,” a ti hna.

ISAIAH 56:12 ပူးပေါင်းရင်းမြစ်များ

JOB 24:23

Pathian nih him tein khua a sakter ko hna, Sihmanhsehlaw ṭha tein a ngiat zungzal hna.

SALM 10:6

Amah le amah cu, “Ka sung bal lai lo; harnak ka tong bal lai lo,” aa ti.

PHUNGTHLÛKBIA 20:1

Zu hi nihsawhnak mi a phorhtu a si, Ritnak zu hi i siknak a si; zu rit cu hruh a si.

PHUNGTHLÛKBIA 23:35

“An ka tuk an ka den i a si ṭheo lai, sihmanhsehlaw zeihmanh ka hngal lo, Zeicahdah kaa hlauh khawh lo ee? Din ṭhan ka herh rih i a si ko hi ta,” na ti lai.

PHUNGTHLÛKBIA 27:1

Thaizing kong kha i porhlaw hlah, cu ni nih zei a chuahpi lai kha na hngal lo.

PHUNGCHIMTU 2:24

Minung nih hin a ṭha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh;

ISAIAH 5:11

Nan lo cang! Zu din ah zingkate in nan tho i zan ah tlaipi tiang ri cikcek in nan din.

ISAIAH 5:12

Nan puai ah tingtang le thonglawi le khuang he a erh in nan i erh i zu he nan i ciah. Sihmanhsehlaw Bawipa nih zeidah a tuah ti kha nan hngal lo.

ISAIAH 5:22

Nan lo cang! Zureu thawl lei i minthang hna! Zu ser le zu lap ton i ṭih ngei lo hna!

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

HOSEA 4:11

Zu nih ka mi hna cu a molhter cang hna!

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

1 KORIN 15:32

Cun Efesa khua i “sahrang” he kan rak i sual kha minung ruahnak lawnglawng in rak si seh law zeital ka miakmi a um hnga maw? Mithi cu nunnak i thawhter an si lo tham ah cun, phungthlukbia bangin, “thaizing ah pei kan thih ko lai cu, ei in ding ko ngat u sih.”

TITAS 1:7

Khrihfabu hruaitu cu Pathian rian ṭuantu a si caah mawhchiat awk a um lomi a si lai. Miruamkai a si lai lo, mithintawi a si lai lo, zurit hmang a si lai lo, mi-aukhuan hmang a si lai lo, mihakkau a si lai lo.