ISAIAH 56:10 - Lai (Hakha) Common Language Bible 2006

¹⁰ A thawh hna i, “Ka mi ralrinnak a petu ding a simi an hruaitu hna kha mitcaw lawngte an si. An hngalhmi zeihmanh a um lo. Inn hngaktu ui, a bao lomi bantuk an si — an it sawhsawh i mang lawng an man men ko. Ih cu an duh hringhran.

ISAIAH 56:10 ပူးပေါင်းရင်းမြစ်များ

2 SIANGPAHRANG 12:6

Sihmanhsehlaw Joash siangpahrang a bawi kum kul le kum thumnak tiangah tlangbawi nih inn kha khuazeihmanh an remh rih lo.

ISAIAH 29:10

Bawipa nih an ngutter hna i thu hluahmah in nan i hngilh dengmang cang. Profet cu nan mit an si awk a si, sihmanhsehlaw Pathian nih cu nan mit cu an mit a huh hna.

ISAIAH 29:9

Va kal u law va hrut ṭhiamṭhiam ko rih u. Va kal u law mitcaw in va um ṭhiamṭhiam ko rih u. Zu din loin ri ko u. Dor khat hmanh din ṭung lo ah sawn lengmang in um ko u.

ISAIAH 52:8

Khua a vengtu kha an au i lunglawm in hmunkhat ah hla an sa. Zion i Bawipa a kir ṭhan kha an mit hrimhrim in an hmuh.

ISAIAH 58:1

Bawipa nih, “Nan au khawh chungin au tuah u. Ka mi Israel mi cu an sualnak kha chim hna u.

ṬAHNAK HLA 4:14

Lam ah khan mitcaw bantukin an i chawk i thi kha an i neh tuk hringhran caah An puan hmanh kha mi nih tongh an duh lo.

EZEKIEL 13:16

Inn kha a um ti lo, a satu hna zong kha an um ti lo, Jerusalem khua sin i bia a chimtu profet hna, daihnak a um na lo i, daihnak a um, tiah a chimtu hna kha an um ti lo,’ an ti lai. Mah hi Bawipa bia hrimhrim a si,” tiah a ti.

EZEKIEL 33:6

Sihmanhsehlaw ralvengtu nih ral an rat a hmu nain a muko kha tum lo in zapi kha ralrinnak a pek hna lo ahcun, thahmi paoh kha an sualnak pi he thah chih an si ko lai; sihmanhsehlaw kha hna an thih ruangah khan ralvengtu kha mawhchiat a si lai, a ti.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

NAHUM 3:18

Maw Assiria siangpahrang, na tuukhal hna cu an i hngilh, Na saṭil run cawngtu hna cu an it, Na ralkap hna cu tlang kip ah an i ṭhek dih i ahohmanh nih an pum hna lo.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

FILIPI 3:2

Thil ṭhalo a tuahmi hna kha i ralring hna u, nan cuarpar nan i tan awk a si a ti pengmi uico hna kha i ralring hna u.