ISAIAH 55:9 - Lai (Hakha) Common Language Bible 2006

⁹ Van khi vawlei nakin a let tam piin a san deuh bangin ka ruahning le ka thil tining zong nan ruahning le nan thil tining nakin a let tam piin a sang deuh.

ISAIAH 55:9 ပူးပေါင်းရင်းမြစ်များ

2 SAMUEL 7:19

Asinain mah hi cu nangmah mit ah cun maw Bawipa Pathian, a hmemi thil a si ko; caan saupi lio in na sal innchungkhar kong zong hi na rak chim chung cang i hmailei ciruang ding hna zong kha na ka hmuhsak cang, maw Bawipa Pathian!

SALM 103:11

Van cu vawlei nakin a san deuh ngaingai bantukin a dawtnak cu amah a ṭihmi hna caah cun a ngan ve.

SALM 36:5

Bawipa, a fekmi na dawtnak cu van a tawng i zumhawktlak na sinak cu van a phan.

SALM 77:19

Rili cungah na ke in na kal, a thukmi rilipi cu na tan, sihmanhsehlaw na ke neh cu hmuh khawh an si lo.

SALM 89:2

Na dawtnak cu zungzal in a hmun lai ti kha ka hngalh, zumhawktlak na sinak cu van tlukin a fek.

SALM 92:6

Mihrut nih an hngalh khawh lo i lungtlawmmi nih an theihthiam khawh lomi cu,

ISAIAH 14:24

Ralkapbu Bawipa nih chiatser in, “Siseh tiah ka khanmi cu a si ko lai. Ka tuah lai ka timi cu tuah a si ko lai.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.