ISAIAH 55:8 - Lai (Hakha) Common Language Bible 2006

⁸ Bawipa nih, ‘Ka ruahning cu nan ruahning a si lo, ka thil tining zong nan thil tining he an i khat lo.

ISAIAH 55:8 ပူးပေါင်းရင်းမြစ်များ

2 SAMUEL 7:19

Asinain mah hi cu nangmah mit ah cun maw Bawipa Pathian, a hmemi thil a si ko; caan saupi lio in na sal innchungkhar kong zong hi na rak chim chung cang i hmailei ciruang ding hna zong kha na ka hmuhsak cang, maw Bawipa Pathian!

2 SIANGPAHRANG 5:11

Sihmanhsehlaw Naaman cu a thin a hung i a kal i, “Zohhmanh, ka sinah a hung chuak lai i pei a dir lai i a Pathian Bawipa min kha a auh lai i ka thinghmui zawtnak zawn ah khan a kut a zao lai i mithinghmui hi a ka damter lai, tiah ka ruah.

JOB 35:5

Van khi hei zoh law ruat tuah, Nangmah cungpi i a ummi khuadawm khi zoh tuah hna.

SALM 25:10

A biakam le nawlbia a zulmi vialte cu, dawtnak in a hruai hna i zumhawktlak tein a kalpi hna.

SALM 33:11

Sihmanhsehlaw amah khuakhanmi cu zungzal in a hmun i amah timhmi cu zungzal in a fek.

SALM 40:5

Maw Bawipa ka Pathian, nangmah nih kan caah thil tampi na tuah; nangmah bantuk ahohmanh an um lo. Nangmah nih lam ṭhaṭha tampi khua na kan khanpiak. An dihlak in chim i tim ning law a chim hmanh ka chim cawk hna hnga lo.

SALM 92:5

Maw Bawipa, na tuahmi thil cu zeitluk in dah an ngan! Na ruahnak cu zeitluk in dah a thuk!

PHUNGTHLÛKBIA 21:8

A sualmi nih cun lam kawi kha an zulh, sihmanhsehlaw a sual lomi nih cun a hmaanmi kha an tuah.

PHUNGTHLÛKBIA 25:3

San leiah van, thuh leiah rili, cu bantuk cun siangpahrang lungthin cu purh khawh lo a si.

ISAIAH 14:24

Ralkapbu Bawipa nih chiatser in, “Siseh tiah ka khanmi cu a si ko lai. Ka tuah lai ka timi cu tuah a si ko lai.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

ISAIAH 65:2

Anmah duhnak lei paoh ah a kal i ṭhat lonak a tuah peng tu hna hi, ka za ka chanh zungzal ko hna.

ISAIAH 66:18

An ruahnak le an tuahmi kha ka hngalh. “Miphun kip chung minung kha ka pumh hna lai. Hmunkhat i an i pumh tikah ka ṭhawnnak nih zeidah a tuah khawh ti kha an hmuh lai i

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

EZEKIEL 18:29

“Israel mi nih nan i thawh i, ‘Bawipa nih phunglam ngei loin a tuah,’ nan ti. Asilo, phunglam ngei loin a tuahmi cu nanmah Israel mi nan si, keimah ka si lo.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.