ISAIAH 55:6 - Lai (Hakha) Common Language Bible 2006

⁶ Atu cu Bawipa kha kan naih ah a um caah amah leiah cun i mer u law amah sinah cun thla cam u.

ISAIAH 55:6 ပူးပေါင်းရင်းမြစ်များ

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

2 CHANRELNAK 19:3

Asinain, Asherah hna cu ram chungin na hloh hna i Pathian kawl kha na lung in naa sehchih caah nangmah chungah ṭhatnak tlawmpal cu hmuh a si,” tiah a ti.

EZRA 10:2

Cun Elam fapa hna chung i Jehiel i a fapa Shekaniah nih khan Ezra cu a chawnh i: “Kannih nih kan Pathian cungah zumhawktlak loin kan um i hi ram mi hna chung hin ramdang nu kha nupi ah kan i ṭhit hna, sihmanhsehlaw atu hmanh ah hin hitihin thil a si ko nain ruahchannak a um ko rih.

JOB 8:5

Pathian kha na kawl i Lianngan Bik kha na kawl i,

SALM 14:2

Minung lakah hin a fimmi le keimah a ka biami an um hnga maw ti hngalh duh ah Bawipa nih vancung khin a run zoh hna.

SALM 145:18

A autu vialte hna cu an pawng khin an umhnawh hna, lungtak in a autu vialte hna cu.

SALM 148:14

A miphun kha miphun ṭhawng ah a ser hna, cucaah a mi vialte nih an thangṭhat, a dawt ngaingaimi Israel mi nih khan an thangṭhat. Bawipa cu thangṭhat u!

SALM 27:8

“Ka sinah ra tuah,” tiah na ti. Bawipa, na sinah ka ra lai;

SALM 32:6

Cucaah zumhawktlak a simi vialte hna nih cun, herhnak caan an ton tikah na sinah thla an cam awk a si; tilian a tlun tikah a phan hna lai lo.

SALM 34:19

Miṭha nih harnak tampi a in tawn, sihmanhsehlaw harnak a inmi chung khan Bawipa nih a khamh;

SALM 75:1

Nangmah cu kan in thangṭhat, Maw Pathian, nangmah cu kan in thangṭhat. Zeitluk in dah na lianhngan kha kan thanh i khuaruahharmi thil na tuahmi kha kan chim.

SALM 95:7

Amah cu kan Pathian a si, kannih cu a kan zohkhenhmi kan si, a kan cawmmi tuurun kan si. A chimmi kha nihin cu ngai tuah u; a bia cu hihi a si:

PHUNGTHLÛKBIA 8:17

A ka dawmi cu ka dawt hna i fel tein a ka kawlmi nih cun an ka hmuh.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

ISAIAH 58:9

Thla nan cam tikah kan leh hna lai. Nan ka chawnh tikah kan chawnh ve hna lai. “Hremnak le nautatnak le holh ṭha lo kha nan ngol i

ISAIAH 65:10

Keimah cu an ka biak lai i nitlaklei ah Sharon Nelrawn ah an tuurun le an cawrun kha an tlonter hna lai i nichuahlei ah Harnak Nel timi ah khan an tlonter hna lai.

ISAIAH 65:24

Ka sin i thla an cam tikah an thlacam a dih hlan hmanh in ka leh hna lai.

JEREMIAH 25:5

Nannih nih lam ṭha lo nan zulhmi le thil ṭha lo nan tuahmi kha nan mertak ahcun, nan pupa hna sin le nanmah sinah Bawipa nih an pekmi ram ah hin zungzal in nan um lai;

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

EZEKIEL 14:6

Cucaah hihi Bawipa Pathian bia a si tiah Israel mi cu chim hna: Nan siasal kha mertak hna u, thil fihnung nan tuahmi vialte kha nan hnulei chit hna u.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

EZEKIEL 8:6

A ka thawh i, “Mipa, zeidah an tuah kha na hmu maw? Hika ah Israel mi nih an tuahmi fihnung ṭeifiak nih keimah cu ka hmunthiang khan lamhlatpi ah a ka dawi i cu bantuk fihnung cu na hmuh chin lengmang ko rih hna lai,” tiah a ti.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

HOSEA 10:12

Annih cu ka thawh hna i, “Nan caah dinnak kha i tuh u law keimah lei i nan ṭannak nih a chuahpimi thluachuahnak kha zun tuah u. Nan dinhtermi vawlei kha ṭuan cang hna u, Zeicahtiah atu cu Bawipa keimah leiah i mer caan a si cang i ka ra lai i thluachuahnak kan pek hna lai,” tiah ka ti.

AMOS 5:6

Nun nan duh ahcun Bawipa sinah ra u, Cu ti a si lo ahcun Josef kha mei bantukin a kangh lai, Bethel kha ahohmanh a hmihpiaktu um loin a kangh lai.

JONAH 3:8

Nan dihlak in buri nan i aih lai i Pathian sinah biatak tein thla nan cam cio lai. Cun nan ziaza ṭhalo kha nan hlawt hna lai i zaang-ennak nan tuah lengmangmi kha nan hlawt hna lai.

MATTHAI 5:25

“Mi pakhatkhat nih taza an cuai i zung ah an chuahpi ahcun, a caan a um rih lio, zung nan phak hlanah khan, amah he cun remnak tuah i zuam; cuka na phak hnuah cun biaceihtu sinah khan hluai na si lai i biaceihtu nih cun palik sinah an chanh chin lai i thong ah an in thlak lai.

LUKA 13:25

“Inn ngeitu cu a tho lai i kutka cu a khar lai; cun nannih cu a leng i nan dir i kutka khar cu nan kingh i, ‘Bawipa, innka kan hunh tuah,’ nan ti tikah, ‘Khuazei in dah nan rat kha ka hngal lo,’ tiah an leh hna lai.

JOHAN 8:21

Jesuh nih annih cu a thawh ṭhan hna i, “Kei cu ka kal lai; nan ka kawl lai, sihmanhsehlaw nannih cu nan sualnak chungah nan thi lai. Ka kalnak hmun ah nannih cu nan ra kho lai lo,” tiah a ti hna.

EFESA 3:13

Cucaah nan ca i harnak ka in caah hin nan lung dong hlah u, nanmah ca ṭhatnak lawngte ah a si ko.

DEUTERONOMI 4:29

Sihmanhsehlaw khika ah Bawipa nan Pathian cu nan kawl lai i, nan lung vialte le nan ruahnak vialte in amah kha nan kawl ahcun nan hmuh lai.

DEUTERONOMI 4:7

Kannih nih Bawipa kan Pathian kha kan kawh fate Bawipa kan Pathian nih cun a kan naih tlukin naihtu pathian a ngeimi miphun ngan ahodah a um?

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

HEBRU 3:13

Nannih cu sualnak nih an hlen hna nakhnga lo le lungṭhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u.