ISAIAH 55:4 - Lai (Hakha) Common Language Bible 2006

⁴ Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

ISAIAH 55:4 ပူးပေါင်းရင်းမြစ်များ

2 SAMUEL 22:44

“Miphun hna he i siknak in na ka khamh, Miphun hna lu ah na ka chiah; Ka hngalh lomi hna nih khan ka rian an ṭuan.

SALM 18:43

Ral thawh hmangmi miphun chungin na ka khamh i miphun hna uktu ah na ka ser: ka hngalh bal lomi kha ka kut tangah an um.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

ISAIAH 43:10

“Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

ISAIAH 43:12

Thil um lai ding kha ka rak in chimhchung hna i cu hnuah cun nanmah bawmh ah ka ra. Miphun dang pathian nih cun hi bantukin an tuah bal lo; ka tehte cu nanmah hi nan si.

JEREMIAH 30:9

Bawipa an Pathian le an caah ka chuahter laimi an siangpahrang David kha an rian an ṭuan cang hna lai, tiah Ralkapbu Bawipa nih a ti.

EZEKIEL 37:24

Ka sal David cu an uktu siangpahrang a si lai i tuukhal pakhat lawng an ngei lai. Ka phungbia ning khan an um lai i ka nawlbia kha an zulh hna lai i an tuah hna lai.

EZEKIEL 37:25

Ka sal Jakob ka pekmi ram, nan pupa hna umnak ram ah khan an um lai. Annih le an tefa hna cu khika ah zungzal in an um lai i ka sal David cu zungzal in an bawi a si lai.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

MATTHAI 2:6

Judea ram ummi Bethlehem khua, Nangmah cu Judah ram khuapi hna lakah a hme bik na si naisai lo; Zeicahtiah nangmah chung hin hruaitu pakhat, ka mi Israel mi hna tuukhal a si dingmi cu a chuak lai,” a ti.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

JOHAN 10:3

Innka cawngtu nih khan innka cu a rak hunpiak i tuu nih khan a aw cu an theih; a tuu kha an min in a auh hna i lengah a chuahpi hna.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 13:13

“Nannih nih kei cu, Saya le Bawipa nan ka ti i cucu ka si taktak caah nan ka ti cu ahmaan ko.

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

EFESA 5:24

Cucaah khrihfabu nih Khrih tangah aa dor bantukin nupile zong nih nan vale tangah tling tein nan i dor awk a si.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

1TIMOTE 6:13

Zeizong vialte nunnak a petu Pathian le Pontius Pilat hmaika ah aa phuangmi Khrih Jesuh hmaiah nangmah cu hitihin nawl kan pek.

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

BIAPHUAN 3:14

“Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.