ISAIAH 54:9 - Lai (Hakha) Common Language Bible 2006

⁹ “Noah chan ah biakamnak ka rak tuah i, vawlei cungah buanchukcho ka tlunter ti lai lo, ka rak ti. Atu na sinah biakamnak ka ser ve i na cungah ka thin a hung ti lai lo i kan mawhchiat ti lai lo, dan zong kan tat ti lai lo, ka ti.

ISAIAH 54:9 ပူးပေါင်းရင်းမြစ်များ

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

JOB 11:16

Na harnak cu na philh lai i tilian a lanmi bantuk ceo khin na cinken lai.

SALM 104:9

an lonh khawh lomi ramri kha na chiah i vawlei kha an khuh ṭhan kho ti lo.

ISAIAH 12:1

Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

ISAIAH 49:18

Na pawngkam kha zoh law zeidah a um ti kha ngia tuah. Na mi cu an i pum cuahmah cang — inn ah an ra tlung lai. Keimah cu a nungmi Pathian ka si hrimhrim bangin, nang zong na mi cu naa chawr hrimhrim hna lai; va ngeika ngaknu nih a hlawn aa chawr bantuk khin naa chor ve hna lai!

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

ISAIAH 51:6

Van khi zoh tuah hna u, vawlei hi zoh tuah u. Van cu meikhu bangin a lo lai; vawlei cu thilpuan hlun bangin a ṭet lai i a mi vialte cu an thi dih lai. Sihmanhsehlaw ka rak putmi luatnak cu zungzal in a hmun lai; ka teinak cu zeitikhmanh ah a rawk kho lai lo.

ISAIAH 51:8

Cu bantuk mi cu rungrul eimi puan bantukin an lo lai! Sihmanhsehlaw ka rak putmi luatnak cu zungzal in a hmun lai, ka teinak cu zungzal in a hmun lai.

ISAIAH 55:11

Cu bantuk cu ka kaa in a chuakmi bia cu a si ve lai — ka sinah a lawngin a ra kir ṭhan lai lo, tuah seh tiah ka fialmi kha a tlolh lai lo i ka thlahhnawh chanmi thil ah khan a tlam a tling lai.

ISAIAH 62:8

Bawipa nih biatak tein bia aa kam, a biakam cu a lianhngannak in a tlinter lai. Cu a biakam cu hihi a si: “Nan tirawl cu nan ral hna caah rawl a si ti lai lo i ramdangmi nih nan mitsur hang cu an in dinkanh ti hna lai lo.

JEREMIAH 31:37

Cunglei van khi aho tal nih tah kho in tanglei vawlei hi aho tal nih a thuknak hlai khawh si seh law, cu tik bel ah Israel tefa vialte hna cu an tuahmi ruangah khan ka hlawt khawh hna hnga, tiah Bawipa nih a ti.

EZEKIEL 16:42

Khi tikah ka thinhunnak cu ka ṭhumh lai i ka nahchuahnak cu na sinin aa mer lai.

EZEKIEL 39:20

Ka cabuai ah cun rangtum le an cung i aa citmi ralkap hna le raltu miphun vialte hna sa kha vuai tein ei tuah u,’ ti hna,” tiah a ka ti. Mah hihi Bawipa Pathian bia hrimhrim a si.

EZEKIEL 39:29

Israel mi hna cungah ka thlarau kha ka thlet lai caah annih cu ka hmai kha ka thuhkanh ti hna lai lo, tiah Bawipa Pathian nih a ti.