ISAIAH 54:4 - Lai (Hakha) Common Language Bible 2006

⁴ Na thinphang hlah — ningzahnak na ing ti lai lo; serhsatnak na hmu ti lai lo. Na ngaknut lio i zumh awk tlak lo na rak si kha na philh lai i nuhmei na si lio i na umhar vialte kha na philh lai.

ISAIAH 54:4 ပူးပေါင်းရင်းမြစ်များ

JOB 11:16

Na harnak cu na philh lai i tilian a lanmi bantuk ceo khin na cinken lai.

ISAIAH 25:8

Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si.

ISAIAH 29:22

Cucaah cun atu cu Abraham kha harnak chungin a khamhtu Bawipa, Israel Pathian nih, hi bangin a ti: “Ka mi hna, ningzak hmaichia in nan um ti lai lo, nan hmai thikhal zong a chuak ti lai lo.

ISAIAH 4:1

Cu caan a phak tikah nu pasarih nih pa pakhat kha an tlaih lai i, “A cawm cu kanmah tein kan i cawm ko lai i hnipuan zong kanmah tein kan i damh ko lai, sihmanhsehlaw mah lawng khuasak ningzah hi kan luat khawh nakhnga nangmah cu kan va, in ti ko u sih,” an ti lai.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

ISAIAH 50:7

Asinain Bawipa Pathian nih a ka bawmh caah an ka serhsatnak cu zeihmanh ah ka rel lo. An ka serhsatnak in khawhnak caah cun ka hmai cu ṭeklung bantuk ka siter.

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

ISAIAH 54:14

Dinnak le ṭhatnak nih an in ṭhawnter lai. Hremnak le ṭihphannak in na him cang lai.

ISAIAH 61:7

Na ningzahnak le na thangchiatnak cu a dong cang. Nangmah ramte ah khan na um cang lai i na rumnak cu a let hnih in a ṭhang lai; na lawmhnak cu zungzal in a hmun lai.

ISAIAH 65:16

Ram chung i a ummi ahopaoh nih thluachuahnak an hal tikah Pathian cu thluachuahnak kan pe tiah an hal lai, amah cu zumhawktlak a si. Chiat a sermi paoh nih Pathian min in an ser lai, amah cu zumhawktlak a si. Hlanlio harnak kha cu an dih cang lai i philh an si cang lai,” a ti.

JEREMIAH 31:19

Na sinin kan rak pial cang, sihmanhsehlaw ra kir ṭhan zau kha kan duh. Kannih kha dan na kan tat hnuah cun ngaihchia in kan lu lawng kan khun ko. Kannih nih kan no lioah kan rak sual caah khan ningzahnak le hmaichiatnak kha kan rak tong,’ an ti kha ka theih.

ṬAHNAK HLA 1:1

Hmasa i minung a rak khat tawnmi khua kha, Zeitindah umhar in a ṭhut ko ee! Hmasa i miphun hna lak i khua lianngan a rak simi kha, Zeitindah nuhmei ah a can; Ram uktu bawinu a rak simi kha hnekmi rianṭuantu ah a cang ko ee!

EZEKIEL 16:22

Fih a nungmi zuanzamnak na tuahmi vialte hna ruangah hin hlanlio kong kha na philh i taklawng le pumro in na rak um i na thi chung i na ke na rak chaih len ko lio kha na hngal ti lo.

EZEKIEL 16:43

Dai tein ka um lai i ka thin a hung ti lai lo. Na no lio caan kha na philh i na tuahmi thil vialte hin awklokchong in na ka tuah caah kei zong nih na tuahmi thil ruangah na cungah teirul chamnak kha ka tlunter ve, tiah Bawipa Pathian hrimhrim nih a ti. “Hi ningzahnak hi na tuah lo maw? Fihnungmi thil dang zong na tuah hna lo maw?

EZEKIEL 36:15

Miphun dang nih an in nihsawhnak kha kan theihter ti lai lo i miphun dang hna nih an in serhsatnak zong kha na ing ti lai lo. Hihi Bawipa Pathian bia hrimhrim a si.

JOEL 2:21

Lo hna, nan thin phang hlah u, i lawm u law nan tha nuam u; Zeicahtiah Bawipa nih nan caah thil tampi a tuah cang.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

ZEKHARIAH 10:6

Judah innchungkhar cu ṭhawnnak ka pek hna lai i Josef innchungkhar cu teinak ka pek hna lai; Annih cu ka zaangfah hna caah ka kirpi ṭhan hna lai i, Rak hlonh bal hna hlah ning law, cu bantuk cu an si lai; Zeicahtiah keimah cu Bawipa an Pathian ka si i an ka halnak cu ka leh hna lai.

1 PETER 2:6

Zeicahtiah Cathiang nih, “A sungmi lung pakhat kha ka thim cang i cu lung cu Zion khua i sakmi inn a hram lung caah ka chiah; Amah a zummi cu zeitikhmanh ah an lung a dong lai lo,” a ti.