ISAIAH 54:13 - Lai (Hakha) Common Language Bible 2006

¹³ “Keimah hrimhrim nih na mi cu ka cawnpiak hna lai i ṭhanchonak le daihnak ka pek hna lai.

ISAIAH 54:13 ပူးပေါင်းရင်းမြစ်များ

SALM 119:165

Na phunglam a duhmi cu him tein khua an sa i a tlukter khotu hna zeihmanh a um lo.

SALM 119:33

Na phunglam an sullam kha ka cawnpiak hna law zeitikhmanh ah ka zulh zungzal hna lai.

SALM 147:14

Na ramri kha him tein a umter hna i changvut ṭha bikbik in na paw an khimter.

SALM 71:17

Ka no lio tein nangmah nih na ka cawnpiak i atu tiangin khuaruahhar na tuahmi kha ka chim lengmang ko.

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

ISAIAH 26:3

Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna.

ISAIAH 28:9

Keimah kong ah khan an zai i, “Khi pa nih khin, aho ka cawnpiak hna ti ah dah aa ruah hnga? Aho nih dah a bia cu an herh? Hnukthlei ka bawhte ca lawngah pei a ṭhat ko cu.

ISAIAH 29:24

Mihrut nih hngalhthiamnak an ngei kho cang lai i a phun a zai zungzalmi nih cawnpiaknak cohlan kha an duh cang lai,” a ti.

ISAIAH 48:18

“Ka nawlbia kha rak ngai u law, ti ka hei duh dah! Thluachuahnak cu nan caah, zeitikhmanh i a reu bal lomi tiva bantukin, a luan in a luang zungzal ko hnga! Ti kam a deng lengmangtu tilet bantukin teinak cu nan sinah a phan ko hnga!

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

ISAIAH 54:12

Na innsang cu rubi lungvar in ka sak hna lai i na kutka cu mei bantukin a ceumi lungvar in ka sak hna lai; na kulhnak vampang cu sui lungvar in ka sak hna lai!

ISAIAH 55:12

“Babilon in lunglawm in nan chuak lai; khuapi chungin daihnak he nan chuak lai. Fing le tlang kha lunglawm in hla an sa lai i thingkung kha lunglawm in an au lai.

ISAIAH 66:12

Bawipa nih aa thawh i, “A hmunmi rumnak kha kan pek hna lai; miphun hna chawva cu a kao bal lomi tiva bantukin nan chungah a rung luang lai. Nu nih a cawmmi a fa, a cawi a pommi bantuk nan si lai.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

JEREMIAH 33:6

Sihmanhsehlaw hi khua cu ka damter ṭhan lai i a mi hna cu ka damter hna lai i lawmhnak le daihnak le himnak kha ka pek hna lai.

EZEKIEL 34:25

Annih kha rumnak pek awkah anmah he biakamnak ka tuah lai; ram chungin sahrang kha ka ṭhawl dih hna lai i saṭil tlonnak hmun ah khan lungdai tein an um lai i tu chungah khan an it lai.

EZEKIEL 34:28

Ramdangmi hna nih an hrawk ti hna lai lo i sahrang zong nih a seh ti hna lai lo; ahohmanh nih hnahnawh ti loin lungdai tein an um lai.

EZEKIEL 37:26

Annih kha thluachuahnak pek awk caah anmah he biakamnak ka ser lai i cu biakamnak cu zungzal in an ta a si lai. Tam piin ka karhter hna lai i an lakah cun a zungzal in ka hmunthiang cu ka chiah lai.

HOSEA 2:18

Khi ni ah Israel aiawh in ramsa hna le van i a zuangmi va hna le vawlei i a lawn mi thilnung hna he biakamnak ka ser lai i nunnak a ngeimi thil paohpaoh nih ṭihnak zeihmanh um loin an um ṭi khawh nakhnga likuk le vainam le ral hriamnam hna cu ka hrawh dih hna lai i vawlei cungin ka hloh hna lai i ka mi cu daite le him tein ka umter hna lai.

MIKAH 4:2

“Ra u law Bawipa tlang ah cun kai hna u si, Jakob Pathian inn ah cun kal hna u si, Kannih cu a lam kha kan cawnpiak seh law A lam cu kannih nih zul u si,” an ti lai. Zeicahtiah cawnpiaknak cu Zion in a chuak i, Bawipa bia cu Jerusalem khua in a ra;

ZEKHARIAH 10:7

Cucaah Efraim mi cu ralkap bantuk an si lai, Mitsur hang a ding i aa lawmmi bantuk an si lai, An fapa hna nih cun an hmuh lai i an i lawm lai; Cucaah an lung cu Bawipa ah i lawm ko seh.

MATTHAI 16:17

Jesuh nih cun, “Johan fapa Simon, mi vanṭha ngaingai na si! Zeicahtiah hi biatak cu minung sinin na hngalhmi a si lo i vancung i a ummi ka Pa nih an pekmi a si.

LUKA 24:45

Cun an lungthin kha a hun pemh hna i Cathiang sullam kha an hun hngalh.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

JOHAN 6:45

Profet nih pei, ‘Mi vialte kha Pathian nih a cawnpiak hna lai,’ tiah an ṭial kha. Ka Pa aw kha a thei i amah zia a cawngmi paoh cu ka sinah an ra.

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.

ROM 14:17

Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

1 KORIN 2:10

Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

EFESA 4:21

Amah kong cu nan theih i amah zultu nan si bantukin Jesuh chung i a ummi biatak cu cawnpiak nan si.

FILIPI 4:7

Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.

1THESALON 4:9

Zumhnak lei i nan unau hna dawtnak kongah caṭial a herh ti lo. Zeicahtiah nanmah hrimhrim kha Pathian nih pakhat le pakhat nan i dawt awk a si tiah an cawnpiak hna i

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.

HEBRU 8:11

Ahohmanh nih an hawile kha cawnpiak a herh lai lo i ‘Bawipa kha hngal tuah,’ ti chimh zong a hau lai lo, A hme bik in a ngan bik tiang nih an ka hngalh ko lai.

1JOHAN 2:20

Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh.

1JOHAN 2:27

Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.