ISAIAH 54:10 - Lai (Hakha) Common Language Bible 2006

¹⁰ Fing le tlang hmanh khi an cim hnga i an rawk ko hnga, sihmanhsehlaw kei nih kan dawtnak cu zeitikhmanh ah a dong lai lo. Daihnak kan pek lai, tiah bia kaa kammi cu, a zungzal in ka zulh lai,” tiah nangmah an dawtu Bawipa nih a ti.

ISAIAH 54:10 ပူးပေါင်းရင်းမြစ်များ

2 SAMUEL 23:5

A si, ka innchungkhar cu cu bantukin Pathian hmaiah a dir lo maw? Zeitintiah keimah he zungzal hmunmi biakamnak kha a ser, Zeizong vialte kha ningcangte le fek tein a tuah. Zeitintiah keimah bawmhnak vialte le duhnak cu Tlinter loin maw a um hnga?

SALM 102:26

Van le vawlei cu an lo dih lai, sihmanhsehlaw nang cu na hmun lai; annih cu puan bangin an ṭet lai. Puan bangin na thlen hna lai i an lo lai;

SALM 46:2

Cucaah cun vawlei cu i hnin in tlang cu rili chungah tla hna hmanh seh law ka thin a phang lai lo;

SALM 46:3

rili tilet cu tho in awn hmanh seh, tlang zong i hnin dih hna hmanh seh law ka thin a phang lai lo.

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

ISAIAH 49:15

Cucaah Bawipa nih a leh hna i, “Nu nih a fa cu a philh kho hnga maw? A chungchuak cu daw loin a um kho hnga maw? Nu nih hin cun a philh hmanh a philh kho hnga, sihmanhsehlaw kei nih cun kan philh bal hna lai lo.

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

ISAIAH 55:12

“Babilon in lunglawm in nan chuak lai; khuapi chungin daihnak he nan chuak lai. Fing le tlang kha lunglawm in hla an sa lai i thingkung kha lunglawm in an au lai.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

ISAIAH 59:21

Cun hi biakamnak hi nanmah he ka ser lai: Ka ṭhawnnak in ka phunglam le cawnpiaknak kha kan pek hna, cun atu thawk in hmailei caan vialte tiang hi phunglam le cawnpiaknak cu nanmah le nan fale le nan tefa fachin hna nih nan ngaih awk le nan i cawnpiak awk a si,” a ti.

ISAIAH 61:8

Bawipa nih, “Dinnak kha ka duh i hremnak le thil ṭhalo tuahnak kha ka huat. Ka mi cu ka lehrulh hrimhrim hna lai i anmah he zungzal hmunmi biakamnak ka ser lai.

ISAIAH 63:7

Bawipa dawtnak fek cu ka chim lai, kan ca i a tuahmi thil ruangah ka thangṭhat lai. Israel mi cu thluachuahnak tam piin a pek hna i cu a pek hna cu a zaangfah hna ca le a dawtnak a feh caah a si.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

JEREMIAH 31:36

Thil umtuning ka chiahmi hi ka hmaika in a loh khawh a si ahcun, Cu tik bel ah Israel tefa hna cu ka hmaika i miphun si ti lo dingin an lo ve hnga, tiah Bawipa nih a ti.

JEREMIAH 33:20

“Hi hi Bawipa bia a si: Chun ca le zan ca i phung ka sermi hi hrawh khawh a si i annih nih ningcang loin an um khawh a si ahcun,

EZEKIEL 16:42

Khi tikah ka thinhunnak cu ka ṭhumh lai i ka nahchuahnak cu na sinin aa mer lai.

EZEKIEL 34:25

Annih kha rumnak pek awkah anmah he biakamnak ka tuah lai; ram chungin sahrang kha ka ṭhawl dih hna lai i saṭil tlonnak hmun ah khan lungdai tein an um lai i tu chungah khan an it lai.

MALAKHI 2:5

Ka biakamnak cu amah sinah khan a rak um: Amah cu nunnak le rumnak ka rak pek: hmaizah awk tlak a simi tlangbawi rian kha amah cungah cun ka khin; a rak ka hmaizah i ka min kha a ṭih.

NAMBAR 25:12

Cucaah hi bangin, ‘Zohhmanh, amah cu ka daihnak biakamnak ka pek;

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

MATTHAI 5:18

Mah hihi philh hlah u! Van le vawlei an hmunh chung paohpaoh cu Phungbia hi a deh pakhatte hmanh siseh, a rin pakhatte hmanh siseh a rawk lai lo — zeizong vialte hi a donghnak an phak hlanah cun an rawk lai lo.

ROM 11:29

zeicahtiah Pathian nih cun a auhnak hna le laksawng a pekmi hna kongah a lung a let ṭhan bal lo.

TITAS 3:5

cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawngin a si.

HEBRU 12:27

“Voi khat cu ka hninh ṭhan lai,” ti bia nih hin, sermi thil cu hninh le ṭhial an si lai ti kha fiang tein a langhter i hninh khawh lomi thil kha a hmun lai.

BIAPHUAN 6:14

Cazual an zual bantuk khin van cu a lo i tlang le tikulh vialte cu an umnak hmun in an ṭhial dih hna.