ISAIAH 53:9 - Lai (Hakha) Common Language Bible 2006

⁹ Sualnak zeihmanh a tuah bal lo nain le lih pakhat hmanh a chim bal lo nain misual mi hna he khan thlan khat ah an vui ṭi i mirum mi hna sinah khan an vui.”

ISAIAH 53:9 ပူးပေါင်းရင်းမြစ်များ

1 KORIN 15:4

cun Cathiang chung ṭhiamṭhiam ah a ṭial rih bantukin, an vui i ni thumnak ni ah thawhter a si;

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

1 PETER 2:22

Sualnak zeihmanh a tuah lo, lih a chim bal lo.

1JOHAN 3:5

Khrih cu minung sualnak lakpiak awkah a ra i a chungah sualnak zeihmanh a um lo ti kha nan hngalh.