ISAIAH 53:7 - Lai (Hakha) Common Language Bible 2006

⁷ Fak piin an hrem, a si nain dai tein aa in ko; bia kaa khat hmanh a chim lo. Thah awkah an kalpimi tuufa bantuk le a hmul meh awkah an hruaimi tuu bantukin, awn au lo tein a um.

ISAIAH 53:7 ပူးပေါင်းရင်းမြစ်များ

SALM 38:14

khua a theih lo ca i an chawnh tikah zeihmanh a let kho lomi hna bantuk ka si.

SALM 38:15

Bawipa, nangmah kha kan bochan; Bawipa ka Pathian, nangmah nih na ka leh lai.

SALM 44:22

Asinain thah kan si thluangthluan cu nangmah ruangah a si i thah awk tuu bantukin tuah kan si cu nangmah ruangah a si.

ISAIAH 50:6

A ka tumi kha ka keng ka chit ko hna, an ka serhsat tikah ka kham hna lo, ka khahmul an ka phawipiak i ka hmia i cil an ka chak ah khan zeihmanh ka ti hna lo.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

JEREMIAH 11:19

Thah awkah an hruai bang a rak zul hniapmapmi hna tuu bantuk ka rak si; Keimah rawinak caah khua an rak khan i, ‘Thingkung cu a thling a um lioah hau u sih. A min hrimhrim kha philh dup in philh a si nakhnga minung lak hin a hloh in hlo u sih,’ an rak ti kha ka rak hngal lo.

NAMBAR 7:27

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;

MATTHAI 26:63

Sihmanhsehlaw Jesuh cu dai tein a um ko. Cun Tlangbawi Ngan cu a hun i nolh ṭhan i, “A nungmi Pathian min chalh in, na chim hrimhrim lai, kan ti: Pathian fapa Messiah cu na si maw si lo, chim,” tiah a ti.

MARKA 14:61

Sihmanhsehlaw Jesuh cu dai tein a um ko i zeihmanh a let lo. Cun Tlangbawi Ngan nih cun, “A Liannganmi Pathian Fapa Messiah cu na si maw?” tiah a hal ṭhan.

MARKA 15:5

Jesuh cu holh loin a um i Pilat cu a khuaruah a har.

LUKA 23:9

Cucaah Herod nih cun Jesuh cu bia tampi a hal len, sihmanhsehlaw Jesuh nih kaa khat hmanh a let lo.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

JOHAN 19:9

Inn chungah a vung lut ṭhan i Jesuh cu, “Khuazei in dah na rat?” tiah a hal. Sihmanhsehlaw Jesuh nih a let lo.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

BIAPHUAN 5:6

Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.