ISAIAH 53:12 - Lai (Hakha) Common Language Bible 2006

¹² Cucaah amah cu upatnak hmun ka pek lai, milian mingan le miṭhawng hna lakah hmun ka pek lai. A nunnak kha i awṭawm lo tein pek a sian i misual mi kha an in ding cu a inpi hna,” a ti.

ISAIAH 53:12 ပူးပေါင်းရင်းမြစ်များ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

JOB 30:16

Cucaah ka si a vang i ni fate in harnak nih a ka tlaih.

SALM 2:8

Ka hal law, miphun vialte hi nangmah kan pek dih lai; vawlei hi a dihlak in nangmah ta a si lai.

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

EXODUS 15:9

Ral nih khan an i thawh i, ‘Kan dawi hna lai, kan tlaih hna lai; an chawva cu kan i ṭhen lai i kan duhmi paoh kha kan i lak lai. Kan vainam kha kan i chuah lai i an ngeihmi thil vialte kha kanmah ṭhawnnak thawngin kan chuh hna lai,’ an ti.

ISAIAH 49:4

Kei nih ka thawh i, “Ṭuan cu ka ṭuan ko, sihmanhsehlaw ka ṭuanmi cu san a tlai lo. Ka thazang cu a dih umnak in ka hman, sihmanhsehlaw zeihmanh ka tlamtlinh lo,” ka ti. Asinain Pathian nih thil cu a ṭhatter ko lai tiah ka zumh i ka ṭuan man kha a ka pek ko lai.

ISAIAH 52:13

Bawipa nih aa thawh i, “Ka sal cu a rianṭuanmi ah khan khuaawng a tong lai; a lian a ngan lai i upatnak a hmu lai.

ISAIAH 52:15

Sihmanhsehlaw atu cu miphun tampi kha amah an hmuh tikah an khuaruah a har lai, an khuaruah a har tuk ah siangpahrang hna cu ar ko in an um lai. An hngalh bal lomi thil kha an hmuh lai i an hngalh lai,” a ti.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

ISAIAH 53:8

An tlaih, thah awkin bia an khiah i thah awkah an kalpi, zei ti a va um te lai ding kha ahohmanh an zei a poi lo.

DANIEL 2:45

Ahohmanh tawngh loin zeitindah lungpi cu lungpang cungin a rung rilh i thir le dar le tlak le ngun le sui in sermi milempi cu a den ti kha na hmuh. A liannganmi Pathian nih siangpahrang Bawipa cu hmailei ah zeidah a tlung lai ti kha an chimhnak a si. Na manhmi hrimhrim cu kan chimhmi hi a si i a sullam taktak kha kan pek cang,” tiah a ti

MATTHAI 26:42

Cun Jesuh cu a va kal ṭhan i, “Ka Pa, hi hrai hi din loin hrial khawh a si lo ahcun, nangmah duhnak bangin si ko seh,” tiah thla a cam.

MARKA 15:27

Jesuh sinah cun a orhlei kamah pakhat, a kehlei kamah pakhat, mifir pahnih an tah ve hna.

MARKA 15:28

Cuticun Cathiang nih, “Misual hna sinah telh chih a si,” a timi cu a tling.

LUKA 22:37

Zeicahtiah Cathiang nih, ‘Amah cu misual mi hna sinah rel chih a si cang,’ tiah a timi kha ka kong ah hin a tlin awk a si. Ka kong an rak ṭialmi vialte kha a tling cuahmah cang,” tiah a ti.

LUKA 23:25

Chuak seh ti an duhmi pa, hnahnawhnak a chuahter ruang le lai a nawn ruang i thong i an thlakmipa kha, a chuahter i Jesuh cu anmah duh paoh in tuah awkah an kut chungah a pek hna.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

ROM 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

FILIPI 2:17

Ka nunnak thisen hi nan zumhnak nih Pathian a pekmi raithawinak sa cungah toih a si hmanh ah cucu ka lawmhmi a si ko lai i cu kaa lawmhnak cu nan dihlak in kan hrawm hna.

KOLOSE 2:15

Cun vailam cungah khan Khrih nih thlarau uktu hna le nawlngeitu hna ṭhawnnak khan aa hlitphuak i zapi zoh awk men ah khan a ser hna i teinak in a kalnak ah khan sal tlaihmi bantukin a hruai hna.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.

HEBRU 9:26

cu ti tuah a herh a si ahcun, vawlei ser hramthawk in voi tam tuk a in cang hnga. Amah le amah raithawinak i aa hmannak thawngin sualnak kha a hloh khawh nakhnga chan vialte nih donghnak an phak dengmang caan ah hin voi khat ah za lak in a hung lang.

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

1JOHAN 2:1

Ka fale hna, hi ca kan kuat hna cu sualnak kha nan tuah nakhnga lo caah a si; sihmanhsehlaw pakhatkhat nih sualnak nan tuah ahcun, a dingmi Jesuh Khrih, Pa sin i bia a kan chimpiaktu, kan ngei ko.

1JOHAN 2:12

Ka dawtle hna, nan sualnak cu Khrih min ruangah ngaihthiam nan si caah hi ca hi kan kuat hna.