ISAIAH 52:5 - Lai (Hakha) Common Language Bible 2006

⁵ Atu ah Babilon ah cu bantuk ṭhiamṭhiam cun nan um; zeihmanh lo ruangah khika ah sal ah nan tang. Nanmah an uktu hna cu an i porhlaw i tluang an khawng, ka min cu an zawmhtaih thluangthluan ko.

ISAIAH 52:5 ပူးပေါင်းရင်းမြစ်များ

2 SAMUEL 12:14

Sihmanhsehlaw mah hi thil na tuah thawngin Bawipa kha na zawmhtaih ngaingai cang caah, na hrinmi na fa cu a thi lai,” tiah a ti. Cun Nathan cu a inn ah a ṭin.

SALM 44:12

Na mi cu man tlawmte ah na kan zuar i cu na kan zuarnak ah cun na miakmi zeihmanh a um lo.

SALM 74:10

Maw Pathian, kan ral nih hin zei can dah an kan nihsawh lai? Na min hi a zungzal in maw an nihsawh ko lai?

SALM 74:18

Sihmanhsehlaw maw Pathian, na ral nih an in serhsat kha philh hlah; annih cu mihrut an si i nangmah cu zei ah an in rel lo.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

ISAIAH 22:16

A ka thawh i, “Aho ah dah naa rel? Tlangpang lungpang ah khan zeicahdah thlan pakhat naa ser?

ISAIAH 37:28

“Asinain nangmah kong cu a dihlak in ka hngalh dih; zei na tuah le khuazei i na kal kha ka hngalh dih. Zeitluk in dah ka cung i na thin a hun kha ka hngalh.

ISAIAH 37:6

hitihin a leh: “Bawipa nih, ‘Assiria mi nih an ka serhsat ruangah na zei hmanh rak poi hlah! an ti.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

ISAIAH 51:20

Lam ṭeka kip ah na mi hna cu an der tuk caah an ril; annih cu rap nih a foihmi sa bantuk an si. Pathian thinhunnak a ṭhawnnak cu an hngalh cang.

ISAIAH 51:23

Kha zu kha nanmah an hremtu hna, lamkalai ah an bawhter hna i an ke in leidip bantukin an lamtu hna kha, ka pek hna lai,” tiah an ti hna.

ISAIAH 52:3

Bawipa nih a mi cu a thawh hna i, “Man loin sal ah zuar nan si. Cu bantuk ve in man loin tlanh nan si lai.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

ṬAHNAK HLA 1:21

Hnemtu zeihmanh ngei loin ka aihram len ko hi ka theihpiak ko. Ka ral vialte hna nih ka harnak hi an theih tikah, Nangmah tuahmi ah hin an i lawm; Sihmanhsehlaw nangmah nih, keimah bantuk an si ve naklai ni bia na kammi kha khulrang in tlunter ko.

ṬAHNAK HLA 2:3

A thinhun in Israel sunparnak ki cu a tan i Ral an rat cuahmah lioah khan a bawmhnak kut cu a zuhkanh hna; Jakob chungah cun meizik bangin a alh i a pawngkam vialte kha a kangh dih.

EZEKIEL 20:14

Asinain ka chuahpi hna, a hmumi miphun hna hmaiah khan ka min cu thurhhnawmh a si nakhnga lo ka min hmaizah in ka ṭuan ṭhan.

EZEKIEL 20:9

Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka ṭuan ṭhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang.

ZEFANIAH 1:10

Khi ni ah Nga Kutka timi in au thawng kha a rung thang lai i Sang Hnihnak in ṭah thawng kha a thang lai; Thawng fakpi kha tlang cungin a rung thang lai;

ROM 2:24

Cathiang nih, “Nanmah Judah mi ruangah Jentail mi nih Pathian kha an thangchiat,” a ti.

BIACEIHTU 18:3

Mikah inn pawng i an um tikah Levi mi tlangval aw kha an theih i cu lei cu an hei fuh i amah cu, “Aho nih dah mahka ah hin an ratpi? Mah ka hmun ah hin zeidah na tuah? Hika ah hin na rian zeidah a si?” tiah an ti.