ISAIAH 52:4 - Lai (Hakha) Common Language Bible 2006

⁴ Hmasa ah Izipt ram ah ramdang mi in nan rak um, cun hnu deuh ah sullam zeihmanh um loin Assiria nih an hrem hna.

ISAIAH 52:4 ပူးပေါင်းရင်းမြစ်များ

GENESIS 46:6

An saṭil hna le an ngeihmi thil, Kanaan ram chung i an hmuhtonmi vialte he khan Izipt ram ah cun an kal. Jakob nih khan a tefa vialte cu aa kalpi dih hna:

GENESIS 46:7

a fapa hna he a fapale fa hna he a fanu hna he a fanu fale hna he aa kalpi dih hna.

JOB 2:3

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo. Amah cu zei ruang lo ah hrawh awkin na ka canghter cang nain, a tlinnak cu fek tein aa tlaih peng ko,” tiah a ti.

SALM 25:3

Nangmah an bochanmi cu an sung lo i, asinain nangmah doh ah a khul a rangmi cu sunghnak kha an phan.

SALM 44:12

Na mi cu man tlawmte ah na kan zuar i cu na kan zuarnak ah cun na miakmi zeihmanh a um lo.

SALM 69:4

Zei ruang lo ah a ka huatu hna cu ka lu cung sam nakin an tam deuh, ka ral an sinak kongah lih a chimmi hna cu an ṭhawng i thah an ka duh. Ka fir lomi thil kha an ka chamter.

ISAIAH 14:25

Israel ram ka ram chungah hin Assiria mi kha ka thah hna lai i ka tlang cungah ka lamh chih hna lai. Assiria hngawngkual chung khan ka mi cu ka luatter hna lai i an phorhmi thilrit khan ka luatter hna lai.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

JOHAN 15:25

Cucu a si awk a si ko, zeicahtiah cuticun pei an Phung chung i, ‘Zei ruang lo ah an ka huat,’ tiah aa ṭialmi kha a tlin khawh ding a si cu.