ISAIAH 52:11 - Lai (Hakha) Common Language Bible 2006

¹¹ Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

ISAIAH 52:11 ပူးပေါင်းရင်းမြစ်များ

1 CHANRELNAK 15:12

annih cu, “Nannih cu Levi mi hna chung i pale innchungkhar hna lu cio nan si; nannih nih Bawipa Israel Pathian kuang kha, ka timhpiakmi hmun ah cun nan hunpi nakhnga nan unau le he i thianh tuah u.

EXODUS 30:19

Aaron le a fapa hna nih khan cu ti cu an kut le an ke ṭawlnak ah an hman lai.

ISAIAH 1:16

Thiang tein i kholh u. Nan tuah lengmang ka hmuhmi ṭhat lonak hi ngol hna u. Ṭhat lonak cu tuah ti hna hlah u law

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 66:20

Nan phunhawi vialte hna kha, miphun dang hna sin cun, ka sinah laksawng ah, an rak kirpi hna lai. Jerusalem i ka tlang thiang ah khan rang cung le laa cung le kalauk cung le rangleng in an ratpi hna lai, Israel mi nih Biakinn ah biaknak lei in a thiangmi bawm in rawl kha an ratpi bantukin an ratpi hna lai.

JEREMIAH 31:21

“Nan lam chingchiahnak dingah lungpon hnuai hna u, chingchiahnak tung phun hna u; Nan zulh dingmi lam cu fiang tein i hngalh u. Ra kir ṭhan tuah u, Maw Israel mi hna, Nan khua hna ah cun ra kir ṭhan cio tuah hna u.

JEREMIAH 50:8

Israel mi hna, Babilon ram in zam u, Khaldi mi hna ram khan zam tuah u; Hmaiah kal u law saṭil run a hruitu mehehtum bantuk kha si tuah u.

JEREMIAH 51:45

Amah chungin chuak tuah u, maw ka mi hna, Bawipa thinhunnak ṭihnung chung cun mi kip nih mahle nunnak kha i khamh cio hna seh!

JEREMIAH 51:6

Babilon in zam tuah u, nan nunnak i khamh cio tuah u! Cu ti nan tuah lo ahcun, Hi caan hi Bawipa nih phu a hlam caan, lehrulhnak a pek caan a si caah Amah sualnak ruangah khan nan rawk ve sual lai.

EZEKIEL 44:23

A thiangmi thil kha a thiang lomi thil lakin thleidan khawh ding kha ka mi cu an cawnpiak hna lai i a thiangmi thil le a thiang lomi thil an i dannak kha an hmuhsak hna lai.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

LEVITIKAS 11:45

Zeitintiah keimah cu nan Pathian si awkah, Izipt ram in an chuahpitu hna Bawipa ka si; cucaah nannih cu nan thian awk a si, keimah ka thian caah,” tiah a ti.

LEVITIKAS 11:47

a thiang le thianglo le a nungmi thil ei awk a si hngami le a nungmi thil ei awk lo a si hngami hna thleidannak caah a si.

LEVITIKAS 21:6

An Pathian caah an thianghlim lai i an Pathian min cu an thurhhnawmhter lai lo, annih nih mei in thawinak hna Bawipa sinah an pekchanhmi an Pathian changreu cu an pekchanh caah an thianghlim lai.

ZEKHARIAH 2:10

Cucaah nannih nih ralkapbu Bawipa nih a ka thlah kha nan hngalh lai. Fak piin au law i lawm tuah, maw Zion fanu, ka ra lio, nanmah lakah ka um lai, tiah Bawipa nih a ti.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

NAMBAR 16:26

Cun aa pummi hna sinah cun, “Hi miṭhalo hna thlam hna hin ṭian u, tiah kan nawl hna, cun an thil zong zeihmanh tawng hlah u, an sualnak chungah fenh chih nan si sual lai,” tiah a ti.

NAMBAR 19:11

“Miruak zeipaoh a tawngtu cu ni sarih chung thianglo a si lai;

NAMBAR 19:16

Ahohmanh nih lo i a um lioah nam in thahmi siseh, miruak siseh, miruh siseh, thlan siseh a tawngh ahcun ni sarih thianglo a si lai.

NAMBAR 8:6

“Israel mi hna sin khan Levi mi kha la hna law, thianh hna.

LAMKALTU 10:14

Sihmanhsehlaw Peter nih a thawh i, “Ka ei lai lo, Bawipa. Thurhhnawmhmi thil le a thiang lomi thil cu zeihmanh ka ei bal lo,” tiah a ti.

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

ROM 14:14

Bawipa Jesuh he kan i pehtlaihnak nih fiang tein a ka hngalhtermi cu hihi a si: zei thil hmanh hi anmahte in a thurhnawmmi an si lo, sihmanhsehlaw pakhatkhat nih thil pakhatkhat cu a thurhnawm in a ruah ahcun cu thil cu a caah cun a thurhnawm ah a cang taktak ko.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

1 PETER 2:11

Ka dawtmi ka hawile hna, hi vawlei cungah khual le ralzam nan si bantukin thlarau he aa do zungzalmi pumsa duhnak kha i teiter hna hlah u, tiah kan nawl hna.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

BIAPHUAN 18:4

Cun vancung in aw pakhat ka theih ṭhan i, “Ka mi hna, chuak tuah u, Amah chung khan chuak tuah u! Sualnak a tuahmi ah khan i tel hlah u, Dantatnak a hmuh ding zong kha i hrawm hlah u.