ISAIAH 51:9 - Lai (Hakha) Common Language Bible 2006

⁹ Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

ISAIAH 51:9 ပူးပေါင်းရင်းမြစ်များ

JOB 26:12

A ṭhawnnak in rili rulpi kha a cheu, a thiamnak in Rahab kha a thah.

JOB 9:13

“Pathian nih cun a thinhunnak hna cu a let ṭhan lai lo, A kehram ah Rahab bawmtu hna kha an kun.

SALM 21:13

Bawipa, na ṭhawnnak he ra tuah. na ṭhawnnak cu hla in kan thangṭhat lai.

SALM 44:1

Maw Pathian, hlan lio pi ah na rak tuah bantukin kan pupa hna chan ah thil lianngan na tuahmi kha kan hna hrimhrim in kan theih i kan pupa hna zong nih an kan chimh:

SALM 44:2

Cu thil lianngan na tuahmi hna cu, zeitindah nangmah hrimhrim nih hi ram chung lawkihmi kha na dawi hna i an ram ah cun na mi kha nan umter hna ti le zeitindah phundang mi cu dan na tat hna i na mi tu cu na ṭhanchoter hna, ti hi a si.

SALM 44:23

Bawipa, i hlau tuah! Zeicahdah naa hngilh? Tho tuah, a zungzal in kan hlawt hlah.

SALM 44:24

Zeicahdah na kan thuhtak? Kan inmi temhnak le harnak kha philh hlah.

SALM 59:4

Ṭhat lonak le sualnak ka tuah ruangah si loin ka sual ca le ka palh ca zongah si loin, Maw Bawipa, an ka bawhnak hmun ah khan khulrang in an va tli.

SALM 7:6

Na thinhun in tho tuah, maw Bawipa, ka ral hna thinhunnak kha doh awkah dir tuah. I hlau law ka bawm tuah, zeicahtiah na duhmi cu ding tein biaceih kha a si.

SALM 77:5

A liam ciami ni kha ka ruat hna i a luan ciami kum kha ka hngalh ṭhan hna.

SALM 78:65

A donghnak ah Bawipa cu hngilh i hun i hlauh bantuk khin a hun i hlau; zu nih a tha a pawttermi ralkap ṭhawng bantuk khi a si.

SALM 87:4

“Ka nawl a ngaimi miphun hna cazin kha ka ṭial tikah, Izipt le Babilon kha ka telh chih hna lai; cun Filistia le Tair le Ethiopia zong kha, Jerusalem ta nan si tiah ka ti hna lai,” a ti.

SALM 89:10

Limkeng Rahab cu na tei i na thah; a liannganmi na ṭhawnnak in na ral cu na tei hna.

SALM 89:11

Vawlei hi na ta a si, van zong khi na ta a si ko; vawlei le a cung i a ummi thil vialte hi na sermi an si;

SALM 93:1

Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

ISAIAH 30:7

Izipt nih bawmhnak a pekmi hna cu santlailo a si. Cucaah Izipt cu ‘Ṭih awk tlak lo rulpi’ tiah min ka sak.

ISAIAH 51:17

Jerusalem, i hlau tuah! I ṭhang law tho tuah! Bawipa nih a thinhun in dantatnak hrai din awk an pekmi cu na din cang; na din cang i na sawn len cang.

ISAIAH 51:5

Khulrang in ka ra lai i ka khamh hna lai; teinak ka hmuh laimi caan cu a nai cang. Keimah hrimhrim nih miphun kha ka uk hna lai. Lamhlapi i a ummi ram nih an ka hngah, anmah khamh awkah ngangngan ngai in an ka hngah.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

ISAIAH 53:1

Mi nih khan an leh i, “Atu i kan chimmi hi aho nih dah an rak kan zumh khawh hnga? Hi thil ah hin Bawipa kut aa tel kha aho nih dah an hmuh khawh hnga?

ISAIAH 62:8

Bawipa nih biatak tein bia aa kam, a biakam cu a lianhngannak in a tlinter lai. Cu a biakam cu hihi a si: “Nan tirawl cu nan ral hna caah rawl a si ti lai lo i ramdangmi nih nan mitsur hang cu an in dinkanh ti hna lai lo.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

MIKAH 7:15

Izipt ram in na rak chuah tikah khuaruahharnak na rak tuah bantuk khan kan caah khuaruahharnak kan tuahpiak tuah.

HABAKKUK 2:19

Rawk ding nan si ko cang! Thingtan cu naa thawh i “I hlau tuah,” na ti; Lungtum cu naa thawh i, “Tho tuah,” na ti. Siasal nih zeital an phuanpiak kho maw? Ngun le sui cun tuam a si ko lai, asinain a chungah nunnak a um lo.

HABAKKUK 3:13

Na mi hna khamh awkah khan na kal i Na chiti thuhmi khamh awkah khan na ra; Miṭhalopa inn cu a cunglei in na vun ṭheh i a hram lung a langh ritret tiang na hlai.

ZEKHARIAH 10:11

Zufrates tiva cungah a fakmi harnak a tlung lai i a ṭhawngmi a ti kha a tuk hna lai; Nail tiva a thuknak vialte cu an kao dih lai. Assiria ruamkainak cu ṭhumh a si lai i Izipt bawifung cu a lo lai;

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

LUKA 1:51

A ṭhawngmi a ban kha a samh i miruamkai hna kha an khuakhanmi he a ṭhek dih hna.

JOHAN 12:38

cucu profet Isaiah nih, “Kan chimmi bia cu aho nih dah an zumh? Aho sinah dah Bawipa nih a lianhngannak cu a langhter?” tiah a rak chimmi kha a tlin nakhnga caah a si.

LAMKALTU 7:7

Sihmanhsehlaw an rianhmi hna miphun cu bia ka ceih hna lai,’ ti hi a si i, ‘Cun a hnuah cu ram cun an chuak lai i hi hmun ah hin an ka biak lai,’ ti zongah Pathian nih cun a ti fawn.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

BIAPHUAN 11:17

“A Lianngan Bik Bawipa Pathian, Nang cu atu i a ummi le hlan i a rak ummi na si. A liannganmi na ṭhawnnak kha na hman cang i Uknak hram naa thawk cang caah, Na cungah kan i lawm.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIACEIHTU 6:13

Cun Gideon nih anih cu, “Bawipa, kan nawl, Bawipa cu kan sin i a um a si ahcun zeicahdah mah thil vialte nih hin a kan tlunhnawh kun? Kan pupa hna nih, ‘Izipt ram in Bawipa nih a kan chuahpi lo mei,’ ti i kan sin i an ti tawnmi khuaruahhar thil vialte hna cu khuazei ah dah an si kun? Sihmanhsehlaw atu cu Bawipa nih a kan hlonh cang i Midian kut chungah a kan pek cang,” tiah a ti.