ISAIAH 51:8 - Lai (Hakha) Common Language Bible 2006

⁸ Cu bantuk mi cu rungrul eimi puan bantukin an lo lai! Sihmanhsehlaw ka rak putmi luatnak cu zungzal in a hmun lai, ka teinak cu zungzal in a hmun lai.

ISAIAH 51:8 ပူးပေါင်းရင်းမြစ်များ

JOB 13:28

Amah cu a ropmi saphaw bantuk, Rungrul nih a eimi puan bantuk a si.

JOB 4:19

Cucaah tlak inn ah khua a sa i a hram cu leidip a si i Pelep bangin a man khomi cu zeitluk in dah a ti chinchin hna lai.

ISAIAH 14:11

Tingtang aw dawhdawh he upatnak an rak in pek tawnmi kha atu cu mithi khua ah na um ve ai cang. Tholung a khatmi ihkhun ah na it ve cang i cangcel nih a zual in an in zual ve ai cang,” an rak ti.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

ISAIAH 50:9

A ka ṭanhtu cu Bawipa Pathian hrimhrim kha a si, cucaah aho nih dah sual an ka phawt khawh lai? Taza a ka cuaitu vialte kha an lo lai, rungrul nih a eimi puan bantukin an lo lai.

ISAIAH 51:6

Van khi zoh tuah hna u, vawlei hi zoh tuah u. Van cu meikhu bangin a lo lai; vawlei cu thilpuan hlun bangin a ṭet lai i a mi vialte cu an thi dih lai. Sihmanhsehlaw ka rak putmi luatnak cu zungzal in a hmun lai; ka teinak cu zeitikhmanh ah a rawk kho lai lo.

ISAIAH 54:9

“Noah chan ah biakamnak ka rak tuah i, vawlei cungah buanchukcho ka tlunter ti lai lo, ka rak ti. Atu na sinah biakamnak ka ser ve i na cungah ka thin a hung ti lai lo i kan mawhchiat ti lai lo, dan zong kan tat ti lai lo, ka ti.

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

HOSEA 5:12

Cucaah Israel cungah khan rawhnak ka tlunter lai i Judah mi cungah khan lohtlaunak ka tlunter lai.

LUKA 1:50

Amah a ṭihmi vialte kha chan khat hnu chan khat in a zaangfah hna.