ISAIAH 51:2 - Lai (Hakha) Common Language Bible 2006

² Nannih an hringsortu hna Abraham le Sarah kha ruat hna hmanh u. Abraham cu ka rak auh lioah khan fa a ngei lo, sihmanhsehlaw thluachuahnak ka pek i fa ka pek; a tefa cu tampi ah ka ser hna.

ISAIAH 51:2 ပူးပေါင်းရင်းမြစ်များ

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

GENESIS 24:1

Abraham cu a tar ngaingai cang i a thil tuahmi kip ah khan Bawipa nih thluachuahnak a pek.

GENESIS 24:35

Bawipa nih ka bawipa cu thluachuahnak tampi a pek i mi lianngan pakhat ah a ser. Tuurun le mehehrun le caw le sui le ngun le salnu le salpa le kalauk le laa kha a pek hna.

ISAIAH 29:22

Cucaah cun atu cu Abraham kha harnak chungin a khamhtu Bawipa, Israel Pathian nih, hi bangin a ti: “Ka mi hna, ningzak hmaichia in nan um ti lai lo, nan hmai thikhal zong a chuak ti lai lo.

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

ISAIAH 43:27

Nan pupa hmasa bik hna nih sualnak an rak tuah, nan hruaitu pawl nih ka cungah sualnak an tuah.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

ISAIAH 60:22

Nan innchungkhar hna lak i a hme bik le santlailo bik hna hmanh kha a ṭhawngmi miphun tluk ah an i cang lai. Amah le a caan te ah hi thil cu khulrang in ka umter lai. Keimah cu Bawipa ka si,” a ti.

ISAIAH 63:16

Nangmah cu kan Pa na si. A kan hringsortu Abraham le Jakob hmanh nih an kan bawm kho lo, sihmanhsehlaw Bawipa, nangmah cu kan Pa na si. Nangmah cu a kan chuahtu zungzal na si.

DEUTERONOMI 1:10

Bawipa nan Pathian nih an karhter cang hna i zohhmanh, nihin cu nan tam ning ah van arfi zat khi nan si cang.

DEUTERONOMI 26:5

“Cun Bawipa nan Pathian hmaiah hi bangin nan chim lai, ‘Kan pa cu a vakvaimi Aram mi a rak si. Izipt ah a vung kal i a vung pem, tlawmte lawng an si. Cun khika ah miphun pakhat, a ngan le a ṭhawng le a tammi ah a cang.

JOSHUA 24:3

Cun nan pa Abraham kha Tiva ral khan ka lak i Kanaan ram chung dihlak ah ka hruai i a tefa cu tampi ah ka ser hna. Isak kha ka pek i