ISAIAH 51:17 - Lai (Hakha) Common Language Bible 2006

¹⁷ Jerusalem, i hlau tuah! I ṭhang law tho tuah! Bawipa nih a thinhun in dantatnak hrai din awk an pekmi cu na din cang; na din cang i na sawn len cang.

ISAIAH 51:17 ပူးပေါင်းရင်းမြစ်များ

JOB 21:20

An rawhnak cu anmah mit hrimhrim nih hmu seh law Lianngan Bik thinlinhnak cu anmah nih ding hrim ko hna seh.

SALM 11:6

Miṭhalo cungah meiṭil le kaat kha a surter; a alhmi mei in dan a tat hna.

SALM 60:3

Na mi cu temhnak tampi na kan inter, a kan rittertu zu kha na kan dinter.

SALM 60:5

Na ṭhawnnak in kan khamh tuah; kan thlacamnak kha kan let tuah, cuticun na dawtmi hna hi kan luat kho lai.

SALM 75:10

Miṭhalo mi hna ṭhawnnak cu a hrawh lai, sihmanhsehlaw miding mi ṭhawnnak kha cu a karh chin lai.

SALM 75:8

Bawipa nih a kut in hrai pakhat aa put, cu hrai cu zu hrim, a ṭhawng ngaingaimi in a khat, a thlet i miṭhalo vialte kha a dinter hna, a ne zongin an khawn dih.

ISAIAH 29:9

Va kal u law va hrut ṭhiamṭhiam ko rih u. Va kal u law mitcaw in va um ṭhiamṭhiam ko rih u. Zu din loin ri ko u. Dor khat hmanh din ṭung lo ah sawn lengmang in um ko u.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

ISAIAH 51:21

Jerusalem khua chung i sifah a ingmi hna, zuri bantukin a sawn lengmangmi hna,

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

ISAIAH 63:6

Ka thinhun in miphun kha ka lamhchih hna i ka thinlinh in ka naan cikcek hna; Cun an thisen kha vawlei ah ka thlet,” a ti.

JEREMIAH 13:13

Khi tikah na thawh hna lai i, ‘Hi bangin Bawipa nih a ti: Hi ram chung i a ummi vialte hna hi an rit hlan tiang, mitsur hang in ka khahter hna lai — bawiṭhutdan ah a ṭhumi siangpahrang David tefa hna, tlangbawi hna le profet hna le Jerusalem i a ummi vialte hna hi ka ritter hna lai.

JEREMIAH 25:18

cu hna cu hihi an si: Jerusalem le Judah khuapi hna le a siangpahrang hna le a bawi hna, annih cu nihin tiang i an si bang hin, ningzak le tuksapur le nihsawh awk thil le serhsat awk thil ah ka canter hna;

JEREMIAH 25:27

Annih cu na thawh hna lai i, ‘Hi ti hin Ralkapbu Bawipa, Israel Pathian nih a ti: Hihi ding u, ri u law lua u; nan lak i ka thlah dingmi vainam hmaiah hin tho ti lo dingin tlu u,’ na ti hna lai.

JEREMIAH 44:6

Cucaah Judah ram chung khua hna le Jerusalem khuachung lampi hna ah khan ka thinhunnak cu mei bantukin a kang i nihin i ṭiaotakmi hnawmpon an simi ah hin an cang.

ZEKHARIAH 12:2

Zohhmanh, Jerusalem cu a pawngkam miphun hna caah ritnak hrai ah ka ser, Judah zong kha an kulh chih ve lai i Jerusalem kha an kulh tikah,

MATTHAI 20:22

Jesuh nih cun, a fapale hna cu, “Nan ka halmi hi nan hngal lo. Ka din lai dingmi hrai hi nan din khawh lai maw?” tiah a leh hna. Annih nih, “Kan din khawh lai,” tiah an leh.

1 KORIN 15:34

Nan lung i fim ṭhan u law nan sualnak kha ngol hna u. A cheu cu Pathian nan hngal lo, hi ti ka chim hi nan ningzak seh ti ka duh caah a si.

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

DEUTERONOMI 28:28

Bawipa nih hruhnak le mitcawtnak le molhnak in an hrem hna lai i,

DEUTERONOMI 28:34

cucaah nan mit nih a hmuhmi thil nih cun an molhter phah hna lai.

BIAPHUAN 14:10

Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.

BIAPHUAN 16:19

Khualipi cu cheu thum ah a kuai i ram vialte cu an khua kha an rawk dih. Pathian nih a liannganmi Babilon kha a philh lo i a hrai chung zu kha a dinter — a thinhunnak zu kha.

BIAPHUAN 18:6

Amah nih a rak in tuah hna bantukte khan amah cu tuah ṭhan ve u; a let hnih in cham u, Nanmah din awkah a rak tuahmi a let hnih ṭhawng khan, Amah din awk cu a hrai chungah khan serpiak u.

BIACEIHTU 5:12

“I hlau tuah, i hlau tuah, Deborah! I hlau tuah, i hlau tuah, hla sa tuah! Tho tuah, Barak, na raltang cu hruai hna, Maw Abinoam fapa.