ISAIAH 51:1 - Lai (Hakha) Common Language Bible 2006

¹ Bawipa nih aa thawh i, “Khamhnak hmuh a duhmi hna, ka bia ngai tuah u, bawmhnak hmuh a duh i ka sin i a rami hna, ngai tuah u. Nannih nan chuahnak lungpi kha ruat hmanh u, nannih an in cawh hnanak lungkhor kha ruat hmanh u.

ISAIAH 51:1 ပူးပေါင်းရင်းမြစ်များ

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 CHANRELNAK 15:4

sihmanhsehlaw an harnak chungin Bawipa, Israel Pathian leiah an i mer i an kawl tikah annih nih an hmuh ko.

SALM 24:6

Cu bantuk mi cu Pathian sin i a ra khomi an si, Jakob Pathian hmaika i a chuak khomi an si. Selah

SALM 94:15

Biaceihnak hmun ah dinnak kha a um ṭhan lai i miding paohpaoh nih an zulh lai.

PHUNGTHLÛKBIA 15:9

Miṭhalo hna ziaza cu Bawipa caah fihnung a si, sihmanhsehlaw dinnak a kawlmi kha a dawt hna.

PHUNGTHLÛKBIA 21:21

Dinnak le zaangfahnak zulh aa zuammi nih cun Nunnak le upatnak a hmuh lai.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

ISAIAH 48:12

“Ka thimmi Israel mi hna, ngai tuah u, keimah lawnglawng hi Pathian ka si, a hmasa bik le a hmanung bik ka si.

ISAIAH 51:4

“Ka mi hna ka bia ngai tuah u, ka chimmi hi ngai tuah u: Cu ka chimmi cu miphun hna kha ka cawnpiak hna i ka phunglam nih ceunak ah a phakpi hna lai, ti hi a si.

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

ISAIAH 65:10

Keimah cu an ka biak lai i nitlaklei ah Sharon Nelrawn ah an tuurun le an cawrun kha an tlonter hna lai i nichuahlei ah Harnak Nel timi ah khan an tlonter hna lai.

AMOS 5:6

Nun nan duh ahcun Bawipa sinah ra u, Cu ti a si lo ahcun Josef kha mei bantukin a kangh lai, Bethel kha ahohmanh a hmihpiaktu um loin a kangh lai.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

MATTHAI 5:6

Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

ROM 14:19

Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si.

FILIPI 3:13

Ka u le ka nau hna, cu thil cu ka phan cang tiah ka ruat hrimhrim lo; sihmanhsehlaw thil pakhat ka tuahmi cu, hnulei thil kha philh i hmailei thil banh i zuam kha a si.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.