ISAIAH 50:8 - Lai (Hakha) Common Language Bible 2006

⁸ Bawipa cu ka pawngah a um caah ningzahnak ka phan lai lo ti kha ka hngalh i ka sual lo kha a langhter lai. Taza a ka cuai ngamtu an um hnga maw? Taza cuainak hmun ah kal tuah u sih. Sual cu ka puh tuah seh.

ISAIAH 50:8 ပူးပေါင်းရင်းမြစ်များ

JOB 13:19

Pathian, nangmah maw a ra lai i sual a ka phaw lai? Cu ti na tuah a si ahcun, kei cu dai tein ka um lai i ka thi ko lai.

SALM 119:151

Sihmanhsehlaw Maw Bawipa, nang nih cun lam nai tein na ka umpi i na biakamnak cu a si taktakmi an si.

EXODUS 22:9

“Thilri cuhnak kong ah, an i cuhmi cu cawtum siseh, laa siseh, tuu siseh, hnipuan siseh, zei thil a tlaumi paoh zong a si ah, an bia cu Pathian hmaiah chuahpi a si lai. Pathian nih sual a phawtmi nih khan a dang pa kha a let in a rulh lai.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 41:1

Pathian nih, “Lamhlatpi i a ummi ram hna, dai tein um u law ka bia ngai tuah u. Biaceihnak hmun i nan bia chim awkah i tim tuah u. Chimnak caan nan ngei lai. Ahodah a hmaan ti khiah awkah hmunkhat ah ṭhu ṭi tuah u sih.

ISAIAH 41:21

Bawipa, Israel siangpahrang nih hitihin a ti: “Miphun dang pathian hna, nan bia cu rak chuahpi tuah hnek u, nan thiam khawh chungin chim tuah u.

ISAIAH 43:26

Biaceihtu zung ah chuak tuah u sih, taza nan ka cuainak cu rak chuahpi tuah u, kanmah hi kan hmaan, nan ti khawhnak dingah nan bia cu hun chuahpi tuah u.

ISAIAH 45:25

Bawipa nih Jakob tefa vialte cu ka chuah dih hna lai i annih nih an ka thangṭhat lai.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

MATTHAI 5:25

“Mi pakhatkhat nih taza an cuai i zung ah an chuahpi ahcun, a caan a um rih lio, zung nan phak hlanah khan, amah he cun remnak tuah i zuam; cuka na phak hnuah cun biaceihtu sinah khan hluai na si lai i biaceihtu nih cun palik sinah an chanh chin lai i thong ah an in thlak lai.

DEUTERONOMI 19:17

taza aa cuaimi cu an phu hnih in Bawipa hmaiah an chuak lai, khi caan i rian a ṭuanmi tlangbawi hna le biaceihtu hna hmaiah cun;

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.