ISAIAH 50:6 - Lai (Hakha) Common Language Bible 2006

⁶ A ka tumi kha ka keng ka chit ko hna, an ka serhsat tikah ka kham hna lo, ka khahmul an ka phawipiak i ka hmia i cil an ka chak ah khan zeihmanh ka ti hna lo.

ISAIAH 50:6 ပူးပေါင်းရင်းမြစ်များ

NEHEMIAH 13:25

Cun ka sik hna i chiat ka serh hna i a cheu cu ka velh hna i an sam kha ka tiao hna; cun Pathian min chalh in chiat ka serter hna i, “An fapa hna cu nan fanu hna kha nan pe hna lai lo i an fanu hna zong nan fapa hna caah siseh, nanmah caah siseh, nan la hna lai lo.

JOB 16:10

Mi nih keimah seh awkah an kaa an ka anhnawh, An ka pumhhnawh i ka bel ah zawmhtaih ngaingai in an ka bengh.

JOB 30:10

An ka huat i an ka hrial, ka hmaiah cil hmanh an ka chak ngam.

SALM 129:3

Ka keng cu leithuan in an thuan, leikuang rinkuar sau pipi in an tuah bantuk khin an tuah.

SALM 69:7

Nangmah ruangah nihsawhnak ka hmuh hi a si i nangmah ruangah ningzahnak nih a kan khuh hi a si.

SALM 69:8

Ka unau hna sinah khual ah ka cang i ka nufale hna sinah ramdangmi ah ka cang.

ISAIAH 53:5

Sihmanhsehlaw hma a in cu kan sual ruangah a rak si i tuknak a huah cu kan ṭhat lo ruangah a rak si. A inmi dantatnak in luatnak kan hmu i an tuknak vual in damnak kan hmu.

ISAIAH 53:7

Fak piin an hrem, a si nain dai tein aa in ko; bia kaa khat hmanh a chim lo. Thah awkah an kalpimi tuufa bantuk le a hmul meh awkah an hruaimi tuu bantukin, awn au lo tein a um.

ṬAHNAK HLA 3:30

An kan tuk i an kan nihsawh zongah kan i in awk a si ko.

MIKAH 5:1

Jerusalem khuami hna, kulhnak vampang phen ah khan i thup u, Nannih cu an in kulh cang hna; Israel uktu cu a bel ah fung in an tuk lai.

NAMBAR 12:14

Sihmanhsehlaw Bawipa nih Moses sinah cun, “A pa nih a hmaiah a cil chak seh law, cu hmanh ah cun ni sarih chung cu ningzak in a um lai lo mei? Amah cu riahhmun lengah ni sarih chuah si seh law, cu hnuah cun luhter a si ṭhan te lai,” tiah a ti.

MATTHAI 26:67

Cun a hmaiah cil an chak i an tuk; cun a bengtu hna nih khan an thawh i,

MATTHAI 27:26

Cu tikah Pilat nih Bar-Abbas cu a thlahpiak hna i Jesuh cu fung in a tukter hna i vailam thing i thir in khenh awkah a pek hna.

MATTHAI 27:30

cil an chak i fung cu an chuh i a lu ah khan an tuk nak.

MATTHAI 5:39

Sihmanhsehlaw kei nih cun, nan cung i ṭhat lonak a tuahtu hna kha lehrul hna hlah u, kan ti hna. Nan orhlei bel ah an in bengh hna ahcun khatlei zong kha i chit rih u.

MARKA 14:65

Cun mi cheukhat nih Jesuh cu cil an chak i a mit an huh i an bengh. “Ahodah an beng, kan chim tuah,” an ti. Cun ralvengtu pawl nih khan an kalpi i an bengh.

MARKA 15:19

A lu ah cun fung in an tuk i an cil an chak i an khuk an i bil i a hmaiah cun an kun.

JOHAN 18:22

Cu bia a chim tikah cuka i a ummi palik pakhat nih Jesuh cu a bengh i, “Zeitindah Tlangbawi Ngan sinah cu bia cu na chim ngam?” tiah a ti.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.